එළිය

🤣විධායකය බිල්ලෝ මවලා බය කරගන්න වගේ හදන්නේ. කාදිනල් තුමා නැති ප්‍රශ්නයක් අදිනවා කැකිල්ලේ ක්‍රමයට . කාදිනල් තුමා ටාගට් කරන්නේ විධායකයයි.( ඒ මගේ අදහස ),

🤣කාදිනල් තුමා මස් රාත්තල ඉල්ලන සීන් එකක්ද පෙනෙන්න තියෙන්නවා .
🤣 කොටි නැටුම සිංහල ආරෙට පටන්ගන්න යන්න සීන් එක වගේත් පෙනෙනවා .
🤣කාදිනල් තුමා මුස්ලිම් අයව නිදහස් කොට නිදොස් කළා කලින්ම , එහෙම කලේ කොහොමද උන්වහන්සේ? කිසිම පදනමක් නැතිව ? ඒ සදහා මේ යොමුව බලන්න .https://youtu.be/8MQsISO7MrM

🤣පාස්කු ප්‍රහාරය දැන් මුවන් පැලැස්ස වගේ . මුවන්පැලැස්ස අද්යක්ෂණය ඇමරිකාව සහ ඉන්දියාව වගේ .

🤣 පාස්කු ප්‍රහාරය ගැන ඝානසාර හමුදුරුවොන්ගේ කතාව
https://fb.watch/3ZuE5wICZZ/

🤣පාස්කු වාර්තාව’ ගැන විජයදාස රාජපක්ෂ කියංහ කතාව ටිකක් ඇත්ත වගේ .>>https://fb.watch/44qdX6YEc6/

🤣මේ අතර , පාස්කු කොමිසමේ උදවිය වටලප්පන් ඉල්ලුව නිසා දුන්න කියා මවුලවි සංවිධානයේ සභාපති කියනවා .

🤣 මෙහම ගියොත් අනාගත ලංකාව අනාවැකිය 1 https://youtu.be/X7n9OqKA4I4
🤣 මෙහම ගියොත් අනාගත ලංකාව අනාවැකිය 2 https://www.youtube.com/watch?v=hwGB9ECHZv0

සාධාරණය ඉටු වනතුරු විරෝධය දිගටම – කාදිනල් http://sinhala.adaderana.lk/news.php?mode=beauti&nid=149883#.YETTQRGGRUo.whatsappකාර්ඩිනල් කොච්චිකඩේ කොටින්ගෙ ආයුධ හංගා ගෙන බහුතර බෞද්ධයන්ට බෝම්බ ගස්සන්න ඉඩ දෙද්දි ඔය භික්ශුවෙස් ගත්තෝ හිටියේ කොහේද දන්නෙ නෑ. පාප් ගෙ බටහිරේ අරමුණ වන අදිරදවාදී කිතුනුකරනය වෙනුවෙන් ජාත්‍යන්තර දේශපාලනය ජයටම කරගෙන යන කාර්ඩිනල් ගෙ කිඹුල් කඳුලු අපි පාස්කු ඉරිදා සිටම දැක්කා. මොහු මේ කරන්නෙ විධායකය බිය වද්දා මුස්ලිමුන්ට විරුද්ධවන්න කියා බෞද්ධ මුස්ලිම් හතුරුකමක් උසි ගැන්වීමත්, ඉන්පසු තවත් අසූතුනක් ඉස්ලාම් අන්තවාදය යොදාගෙන කරවා බෙදුම්වාදී ශ්‍රී ලංකන් ජාතියට පාර කැප්පීම මයි 13ත් බලගන්වන්න කියයි අරුන් සිද්ධාර්තන් එවන්නෙත් දුක් ගන්නා රාල වෙසින් ඒ වැඩේටමයි. අන්තිමේ සිංහල බෞද්ධ සිරිසේන ජනපතිව හිරේ යවන්න කියයි ඥානසාර හිමියො හිරේ දාන්න කියයි හැබැයි අබෞද්ධ රනිල් බේරයි ඔහු කියන ලෙස බුදු දහමට ඇති ප්‍රමුඛතාවය නැති කරවන්න කියයි. ඊලඟ කොරියාව පිලිෆීනෙ ලෙස ආසියානු වතිකානුව ලංකාවෙ දාගෙන නොබෙල් සාම තෑග්ගත් ජනප්‍රිය නළු මැල්කම් රංජිත් මහතාට ලැබේවි බෞද්ධයන් ලවාම මහනායක හිමිපාණන් වහන්සේ කියාත් කියවා ගනීවි. ප්‍රභාකරන් ලා නිරයේ සිටම හිනාවේවි වැඩේ හරි කියා.
සම්‍යක් දෙවු බඹුන් සුර අසුර යුද්ධයෙන් ජයග්‍රහණය ලබත්වා බුද්ධ ආඥාව ඉටු කරත්වා!

පාස්කු ප්‍රහාරය හා දින පනස් දෙකේ ආණ්ඩුව වැට්ටවීම

පාස්කු ප්‍රහාරය ගැන වඩාත් ම කණස්සල්ලට පත් ව ඉන්නේ කාදිනල්තුමා වෙන්න පුළුවන්. ඒක එහෙම නම් වරදකුත් නැහැ. එතුමා මෙරට කතෝලික ජනයාගේ ප්‍රධානියා. එතුමා කතා කරන්නේ මෙරට කතෝලික ජනතාව වෙනුවෙන් කියල හිතමු. ඒත් මට ප්‍රශ්නයක් තියෙනවා. මේ ප්‍රහාරය කතෝලික ජනයාට පමණක් එල්ල කළ ප්‍රහාරයක් ලෙස සලකන්නෙ ඇයි? මීට ඉහත කොටි සංවිධානය දළදා මාළිගාවට පහර දුන්නා. අරන්තලාවෙ භික්‍ෂූන් වහන්සේ ඝාතනය කළා. ශ්‍රී මහා බෝධීන් වහන්සේ අසළ මිනී මැරුවා. මට මතක නැහැ ඒ කිසිවක් බෞද්ධයනට පමණක් එල්ල කළ ප්‍රහාර ලෙස සැලකුවා කියා.

ඒ විතරක් නොවෙයි ඒ දවස්වල හැමෝම වගේ කතා කෙළෙ කොටින්ගෙ සාධාරණ සටන ගැන. දෙමළ ජනයාගේ ඊනියා ප්‍රශ්නය ගැන. දෙමළ ජනයාට වී ඇති ඊනියා අසාධාරණකම් ගැන. කිසිම ආගමික නායකයකු, භික්‍ෂූන් වහන්සේවත්, කොටි ප්‍රහාර බෞද්ධයන්ට එරෙහි ව කළ ප්‍රහාර ලෙස සැලකුවෙ නැහැ. පඬි නැට්ටකුට කියන්න පුළුවන් කොටි සටන් කෙළේ බෞද්ධයනට එරෙහි ව නොව අඩු තරමෙන් සිංහලයන්ටවත් එරෙහි ව නොව සිංහල ආණ්ඩුවට විරුද්ධ ව කියා.

ඒත් ඒ ඊනියා සිංහල ආණ්ඩු අතර ජේ ආර් ගෙ ආණ්ඩුව, ප්‍රේමදාසගෙ ආණ්ඩුව, චන්ද්‍රිකාගෙ ආණ්ඩුව තිබුණා. ඒ කවුරුන්වත් එකී ආණ්ඩු සිංහල ආණ්ඩු කියා පිළිගනීවි ද? චන්ද්‍රිකා ලංකාවට ආනයනය කෙරුණෙ වික්ටර් අයිවන්, රාජිත සේනාරත්න වැනි අය කියල ඒ ඒ අය හිතන් ඉන්නව ඇති. ඒත් චන්ද්‍රිකා කියන්නෙ මෙරට එංගලන්ත නියෝජිතවරිය. ඉංගිරිසින් ඇය මෙරටට එහෙන් අපනයන කෙරුවෙ ඊනියා සිංහල ආණ්ඩුවක් පිහිටුවන්න නො වෙයි. ප්‍රභාකරන්ට රටෙන් කොටසක් ලියල දෙන්න.

ඒ බව මෙරට ජනතාව දැන ගත්තෙ තරමක් කල් ගිහිල්ල. පසුව රනිල් කොටි සමග ඊනියා සටන් විරාම ගිවිසුමකුත් අත්සන් කළා. ඒ ඊනියා සිංහල ආණ්ඩු වැඩ කළෙ සිංහලයන්ට විරුද්ධ ව. ඒත් 2009ට පෙර මෙරට ජාතික ව්‍යාපාරය ශක්තිමත්. ජාතික ව්‍යාපාරයට පුළුවන් වුණා ඊනියා සිංහල ආණ්ඩුවල සිංහල විරෝධී සැලැස්ම පරාජය කරන්න. ඒ ජාතික ව්‍යාපාරය තමයි 2005 දි මහින්ද රාජපක්‍ෂ බලයට පත් කෙළෙත්. 2009 නන්දිකඩාල් ජයග්‍රහණය තෙක් ම ජාතික ව්‍යාපාරය ශක්තිමත් ව තිබුණා. ඉන් පසු මහින්ද රාජපක්‍ෂ ජාතික ව්‍යාපාරය තමන් යටතට ගත්තා. ඉන් පසු ජාතික ව්‍යාපාරයේ ගමන් මග වෙන ම සාකච්ඡා කරන්න ඕන.

මට අවශ්‍ය වුණෙ කිසිවකු 2009ට කලින් කොටි ප්‍රහාර බෞද්ධයනට, සිංහලයන්ට එරෙහි ව කළ ප්‍රහාර ලෙස හඳුනා නොගත් බව කීමටයි. බොහෝ ආගමික නායකයන් කොටි සමග සාකච්ඡා කළා. අර කෙනත් ප්‍රනාන්දු බිෂොප්ෂොප්වරයා ප්‍රභාකරන්ගෙ මානුෂිකත්වය ගැන සහතික ලබා දුන්නා. ඒ කාලෙ මනුසත් දෙරණ තිබුණෙ නැහැ. බිෂොප්වරයාට මනුසත් අරණක් හදන්න අමතක වෙන්න ඇති. ඇතැම් භික්‍ෂූන් වහන්සෙත් වෙනත් ආගමික නායකයනුත් 2001 තරම කාලයේදී සාම පණිවුඩ අරගෙන කොටි නායකයන් හමුවීමට ගියා. පූජ්‍ය කුඹුරුගමුවේ වජිර හිමියන් හා මැල්කම් රංජිත් බිෂොප්තුමා ද ඒ අතර සිටියා.

ඒ දිනවලවත් අදවත් අප කිහිප දෙනකු හැරෙන්න කොටි සංවිධානය පිටුපස ඉන්නෙ කවුද කියා ඇහුවෙ නැහැ, අහන්නෙ නැහැ. දෙමළ ජාතිවාදය පිටුපස ඉන්න එංගලන්තය හා ඉන්දියාව හඳුනා නොගෙන කිසි දිනෙක ජෙනීවා විගඩම නවත්තන්න බැහැ. නේස්බි සාමි අපට පක්‍ෂ වේවි. ඒත් සාමිලා, බිෂොප්ලා හා ආච්බිෂොප්ලා ගණනාවක් ම අපට විරුද්ධයි. ඔවුන් විරුද්ධ සිංහල බෞද්ධ සංස්කෘතියටයි. එංගලන්තය හා ඉන්දියාව පැළඳගෙන ඇති වෙස්මුහුණු ගලවන්නෙ නැතිව ජෙනීවා විගඩම නවත්තන්න බැහැ.

අප පිළිගන්නවා එදා මහා බැංකුවට එල්ල කළ ප්‍රහාරය, මරදාන දුම්රියපොළ අසළ ප්‍රහාරය, ඩී එස් සේනානායක විදුහලේ සිසුන් පිරිසක් ඝාතනය කරමින් කළ ප්‍රහාරය සහ තවත් දුම්රිය ප්‍රහාර වළක්වන්න කිසිම ආණ්ඩුවකටවත් බුද්ධි අංශවලටවත් බැරි වුණ බව. එහෙත් ඒ සඳහා විවිධ හේතු තිබුණා. මෛත්‍රිපාල සිරිසේන බුෂ්ට සැප්තැම්බර් 11 ප්‍රහාරය වළක්වන්න බැරි වුණ එක ගැනයි කතාව. ඒකත් ඇත්ත. බුෂ්ට බැරි නම් සිරිසේනට පුළුවන් ද?

පාස්කු ප්‍රහාරය සිදු වුණෙ මේ ආණ්ඩුව කාලෙ නොවෙයි. එය ඊනියා යහපාලන ආණ්ඩුව කාලෙ සිද්ධවුණේ. ඔය පාස්කු කොමිසම පත් කෙළෙත් සිරිසේන. පාස්කු ප්‍රහාරය වළක්වගන්න තිබුණා. ඒක අර කලින් කී කොටි ප්‍රහාර වගේ නො වෙයි. අනෙක් අතට පාස්කු ප්‍රහාරය පිටුපස දෙමළ ජාතිවාදය පිටුපස වගේ ම ජාත්‍යන්තර බලවේග ඉන්නවා. අප එහි දී ප්‍රධාන වශයෙන් කියන්නෙ බෝන් අගේන් ගැන. අප කියන දේ පඬිනැට්ටන් පිළිගන්නෙ නැහැ. අඩු තරමෙන් අප කියනවා කොටි ප්‍රහාර පිටුපස වගේ ම පාස්කු ප්‍රහාරය පිටුපසත් විවිධ ජාත්‍යන්තර බලවේග ඉන්න බව. ප්‍රභාකරන් මෙන් ම සහාරාන් ද අවසානයේ දී ඉත්තන් පමණයි. එකකු ඉත්තකු වී අනෙකා මහාවිර් වන්නේ නැහැ. අපි ඒ බලවේග සියල්ල හඳුනාගනිමු.

පාස්කු ප්‍රහාරයට වග කියන්න ඕනෙ ජාත්‍යන්තර බලවේගවලට අමතරව ප්‍රධාන වශයෙන් ම යහපාලන ආණ්ඩුව. යහපාලන කිවුවත් මා කියන්නෙ ශ්‍රී ල නි ප හැරෙන්න රනිල් හා ආණ්ඩුව වග කියන්න ඕනෙ කියල. ඒ ආණ්ඩුවට සජිත්ල රවිලා චම්පකලා විතරක් නොවෙයි අනුර රනිල්දාසල යටත්විජිත හේරත්ලත් අයිති වෙනවා. ඔවුන් තමයි 2019 අප්‍රේල් වන විට ආණ්ඩු කෙරුවෙ. මෛත්‍රිපාල නාමමාත්‍රික ජනාධිපතිවරයකු විතරයි.

රනිල් මෛත්‍රිපාල විරසකය 2017න් පමණ පස්සෙ දිගට ම වර්ධනය වුණා. රනිල් ජනාධිපති බලතල තමන් අතට ගත්තෙ දහනවය මගින්. මෛත්‍රිපාලට බලතල නොතිබුණා ම නොවෙයි. ඒත් පූජිතලා පිළිපැද්දෙ කාගෙ අණ ද? මේ සියල්ල මැද්දෙ මෛත්‍රිපාල තමන් 2014 දි ශ්‍රී ල නි පක්‍ෂය අත්හැර යමින් කළ වරදට යම් පමණක සමාවක් ගනිමින් 2018 ඔක්තෝම්බරයෙ රනිල් අගමැති කමෙන් ඉවත් කරල මහින්ද අගමැති කළා. එයට මෙරට බටහිර තානාපතිවරුුන් විරුද්ධ ව වැඩ කළ ආකාරය අප දුටුවා. ඒ දින පනස්දෙකේ ආණ්ඩුව එ ඒ අය එකතුවෙලා වැට්ටුව.

යම් හෙයකින් මෛත්‍රිපාල මහින්ද ආණ්ඩුව පවත්වා ගෙන යන්න ලැබුණ නම් පාස්කු ප්‍රහාරය වෙන්න ඉඩ තිබුණ ද? පඬි නැට්ටන් කියාවි එය අර ඊනියා උපන්‍යාසික (hypothetical) ප්‍රශ්නයක් කියලා. මා කියනවා මෛත්‍රිපාල මහින්ද ආණ්ඩුවක් තිබුණ නම් ගෝඨාභය රාජපක්‍ෂගෙ උපදෙසුත් එක්ක ක්‍රියත්මක වුණු බුද්ධි අංශ හා ආරක්‍ෂක අංශ යටතෙ පාස්කු ප්‍රහාරය වළක්ව ගන්න තිබුණ කියල. 2018 ඔක්තෝම්බරයෙ සිට 2019 අප්‍රේල් දක්වා මාස හයක් තිබුණා. දින පනස්දෙකෙ ආණ්ඩුව යටත්විජිත හේරත්ගෙ විශ්වාස භංගෙන් පැරදුණ දවසෙ මෙරට බටහිර යටත්විජිත තානාපතිවරු පාර්ලිමේන්තුවෙ අත්පොළොසන් දීළ ප්‍රසිද්ධියේ ම වියනා සම්මුතිය කැඩුව හැටි අමතක කරන්න එපා.

පාස්කු ප්‍රහාරය ගැන දඬුවම් දෙන්න ඕන මෛත්‍රිපාලට නොවෙයි රනිල් සජිත් කිරිඇල්ල රනිල්දාස සුමන්තිරන් වැනි අයට. අද සජිත්ල කිරිඇල්ලලා කතෝලික කාවින්දලා අප්පුහාමිලා උත්සාහ කරන්නෙ මෛත්‍රිපාල බිල්ලට දීල තමන් බේරෙන්න. ප්‍රහාරය සිදු වුණෙ ගෝඨාභය රාජපක්‍ෂගෙ ආණ්ඩුව කාලෙ වගේ මේ උන්දැලා කතා කරන්නෙ. ඔවුන් කතා කරන්නෙ මොන මුඛයෙන් ද කියල මා අහන්නෙ නැහැ. ඒක කවුරුත් දන්නවා. කාවින්දලාට අප්පුහාමිලාට ඔය කියන කතෝලික භක්තිය පාස්කු ප්‍රහාරය දා තිබුණෙ නැහැ. ආණ්ඩු පක්‍ෂය මෙයට වඩා හොඳින් සජිත්ල අනුරදාසලා අප්පුහාමිලට උත්තර දෙන්න ඕන. පාස්කු ප්‍රහාරයට දින පනස්දෙකේ ආණ්ඩුව වැට්ටවූ ජාත්‍යන්තර හා මෙරට විජාතික බලවේග වග කියන්න ඕන.

සමාජ පිළිගැනීම හා පාරම්පරික වෙදකම

පාරම්පරික වෙදකම නගා සිටුවීමට පාරම්පරික වෙදකම සඳහා වෙන ම වෛද්‍ය සභාවක් පිහිටුවිය යුතු බව අප කියන්නේ අද ඊයේ නො වේ. එහෙත් එය ප්‍රමාණවත් නැහැ. පාරම්පරික වෙද මහතුන්ට අද ලියා පදිංචි වීමට සිදු වී ඇත්තේ ආයුර්වේද වෛද්‍ය සභාවේ. එක්තරා ආකාරයකින් ගතහොත් පාරම්පරික වෙදකම අද ඇත්තේ ආයුර්වේදය යටතේ.

පාරම්පරික වෙදකමේ ආයුර්වේදයේ නොමැති කරුණු ඇති බව මගේ වැටහීමයි. මා ඒ වෙදකම් දෙකෙන් එකක්වත් හදාරා නැහැ. එහෙත් ඒ වෙදකම් දෙක ම ගැන දැන සිටි වෙදමහත්වරුන්ගෙන් මා දැන ගත් කරුණු තියෙනවා. මෙහි දී රුහුණු වෙද මහතා හෙවත් බොරුපන වෙද මහතා ප්‍රධාන වෙනවා. එතුමා කලක් රාජගිරියේ ආයුුර්වේ ද ආයතනයේ කථිකාචාර්යවරයකු ලෙස ද සේවය කර තිබුණා. එතුමා මිය යන තුරු ම අවුරුදු ගණනාවක් අපේ පවුලේ වෙද මහතා වුණා.

පාරම්පරික වෙදකම ගැන ලියැවුණු පුස්කොළ පොත් ඇතැම් වෙද පරම්පරාවල් සතුව තියෙනවා. ඒ පොත් පිටපත් කිරීමට වැඩ පිළිවෙළක් යෙදිය යුතුයි. මගේ මතය නම් මේ දැනුම යම් කලක ආධ්‍යාත්මික ව ලබා ගත් එකක් කියන එක. ආධ්‍යාත්මික ව යන්නට මා මනුෂ්‍ය නොවන ප්‍රාණීන්ගෙන් ලබා ගැනීමත් මෙහි දී එකතු කරනවා. ආයුර්වේදයේ වුණත් ආරම්භය සෘෂිවරුන් දක්වා දිව යනවා. සෘෂි කියන්නේ දැක්ක අයට. ඔවුන්ට අනෙක් අයට නොපෙනෙන දේ පෙනුනා.

පාරම්පරික වෙදකම ඉගැන්වීමේ ක්‍රම තියෙනවා. ඒ ආයුර්වේදය ඉගැන්වීමට වෙනස්. ආයුර්වේදයත් වේදයක්. නැත්නම් විද්‍යාවක්. එය බටහිර විද්‍යාව නොවෙයි. ඕන නම් බටහිර විද්‍යාවට අපරාන්ත වේදය කියල කියන්න පුළුවන්. ආයුර්වේදය අවසානයේ දී බ්‍රාහ්මණ සම්ප්‍රදායේ වැඩුණු එකක්. පාරම්පරික වෙදකම බ්‍රාහ්මණ සම්ප්‍රදායේ නො වෙයි. බ්‍රාහ්මණ සම්ප්‍රදායේ ගොඩ නැගුණ දැනුම් බටහිර දැනුම නොවූවත් බටහිර සමග සසඳන්න පුළුවන්. අදත් ඉන්දියානුවන්ට බටහිර දැනුමෙහි යමක් සංස්කරණය කිරීමේ හැකියාවක් තියෙනවා. සිංහලයන්ට ඒ හපන්කම එලෙස ම කරන්න බැහැ.

පාරම්පරික වෙදකමේ භූත වෙදකම්, කැඩුම් බිඳුම් , පිලිස්සුම් වෙදකම් මෙන් ම ශාන්තිකර්ම ආදිය ද තියෙනවා. පාරම්පරික වෛද්‍ය සභාව මේ සියල්ල සඳහා විය යුතුයි. එමෙන් ම එහි ආකෘතිය බටහිර හරි ආයරවේද හරි වෛද්‍ය සභා ආකෘතිය ම නොවිය යුතුයි. පාරම්පරික වෙදකම ඉගැන්වීම සඳහා විශ්වවිද්‍යාලයක් හරි විශ්වවිද්‍යාල පීඨ හරි අවශ්‍ය කියා මා හිතන්නේ නැහැ. පාරම්පරික වෙදකම මූලික වශයෙන් ප්‍රාදේශීය වෙන්න ඕන. මධ්‍යගත දැනුමක් තිබිය යුත්තේ සීමිතවයි.

පාරම්පරික වෛද්‍ය සභාව මනුෂ්‍ය නොවන ප්‍රාණීන්ගෙන් දැනුම ලබා ගැනීමටත් ඉඩ දිය යුතුයි. දැනුම ලබා ගන්නා තැනැත්තාගේ ඊනියා ආධ්‍යාත්මික පාරිශුද්ධභාවය ඉල්ලා සිටීම අත් හරින්න ඕන. එසේ දැනුම ලබා ගන්නන් යම් කිසි ක්‍රමයක් මත හිඳිමින් දැනුම ලබා ගන්නවා විය යුතුයි. එහි එක් ක්‍රමයක් පමණක් ඇතැයි නොසිතිය යුතුයි. අපේ ඇත්තේ විවිධත්වයයි. ඒ විවිධත්වය මධ්‍යගතයක් වූයේ රාෂ්ට්‍රපලනයෙහි පමණයි. පරිපාලනය යන වචනය යෙදා ගන්නේ නම් කිව යුත්තේ පරිපාලනය විමධ්‍යගත වූ බවයි.

අද බටහිර වෙදකම මධ්‍යගත වී එහි අවසානය කරා ළඟාවෙමින් ඉන්නෙ. එහි කෙරෙන්නෙ රෝග කළමනාකරණය පමණයි. රෝගීන් සුව කිරීමක් එහි නැහැ. පහුගිය දා අලුත් පාර්ලිමේන්තුවේ දී ජයසේකර වෙද මහතා කී ආකාරයට මැරෙණකන් බෙහෙත් පෙති ගිලින්න වෙනව නම් සුව වීම කියන්නෙ මොකක් ද? ඒ මහතා නම් පාරම්පරික වෙද කමේත් සුව වීමක් නැත යනුවෙන් කිවුවා. ඒ වෙනත් අර්ථයකින්. රෝගීන්ගේ සිරුරේ සමතුලිත බව නැවත ඇති කිරීම ගැනයි එතුමා කතා කෙළේ. මා බොරුපන වෙද මහතාගෙන් ද අසා තිබුණු කරුණක් වූයේ ආහාර යනු බෙහෙත් බවත් බෙහෙත් යනු ආහාර බවත් ය. එහෙත් මගේ මතය නම් මෙහි දී ආහාර යනුවෙන් කියැවෙන්නේ එකල ගත් ආහාර මිස දැන් කන බොන සියළු කෑම බීම නොවන බවයි. දැන් මිනිසුන් කන ඇතැම් කෑමවලින් සිරුරේ සමතුලිත බව නැති වෙන බව පැහැදිලියි.

පාරම්පරික වෛද්‍ය සභාවෙ ලියා පදිංචි වීම පාරම්පරික වෙද මහතකු වීම සඳහා අනිවාර්ය අවශ්‍යතාවක් නොවිය යුතුයි. අහවල් අහවල් විභාග සමත් වී තිබීමත් අනිවාර්ය නොවිය යුතුයි. අවස්ථාව පරිදි ධම්මික වෙද මහතා වැනි අයකුට වෙද මහතකු ලෙස කටයුතු කිරීමටත් පසුව අවශ්‍ය නම් ලියා පදිංචි වීමටත් ඉඩ තියෙන්න ඕන. මිනිසුන් වෙද මහතුන් ළඟට යන්නේ ලියා පදිංචි ද නැත් ද කියා බලා නො වෙයි. වෙද මහතුනට බටහිර වේවා ආයුර්වේද වේවා පාරම්පරික වේවා සමාජ පිළිගැනීමක් අවශ්‍ය වෙනවා.

අපේ ක්‍රමයේ අහවල් විෂය ගැන කතා කිරීමට ඒ විෂයට අදාළ විභාගවලින් සමත් වී තිබීම අනිවාර්ය නැහැ. ඒ ඉඩ දීම නිසා තමයි කාලෝ ෆොන්සේකා වැනි කතෝලික බටහිර වෙද මහත්වරුන්ට ගණිතය භෞතික විද්‍යාව දර්ශනය බුදුදහම නාට්‍ය සංගීතය නවකතා ආදී ඕනෑම දෙයක් ගැන කතා කරන්න පුළුවන් වුනේ. ඔහු අහවල් විෂයට එකතු කළ දේ කුමක් ද කියා කිසිවකු අහන්නෙත් නැහැ. කාලෝ ෆොන්සේකා උසස් පෙළ භෞතික විද්‍යාව පමණක් නොව රසායන විද්‍යාවත් අසමත් ව තිබීම ප්‍රශ්නයක් වුණෙත් නැහැ. ධම්මික වෙද මහතා සමත් විභාග ගැනත් අපි අහන්නෙ නැහැ. එහෙත් කාලෝ ෆොන්සේකාගෙන් ඔහු සමත් විෂය කවරේදැයි නොඇසූ ඇතැම් බටහිර වෙද මහත්වරු ධම්මික වෙද මහතාගේ විභාග ගැන අහනවා. එහෙත් කාලෝ කිසිම ප්‍රතිකාරයක් කිසිම ආකාරයකට හඳුන්වා දී නැති නමුත් ධම්මික වෙද මහතා කිනම් ක්‍රමයකින් හරි ප්‍රතිකාරයක් හඳුන්වා දී තිබෙනවා.

අද තිබෙන මූලික ප්‍රශ්නය සමාජ පිළිගැනීමේ ඇති අධිපතිවාදය නැති කිරීම. එය පාරම්පරික වෙද මහතුන්ගේ වෛද්‍ය සභාව පිහිටුවීම සමග යම් ප්‍රමණයකට බැඳී තියෙනවා. ඒත් එහි ඊට එහා යන කතාවක් තියෙනවා.

වෙද මහතකු හරි නීතිඥයකු හරි තෝරා ගැනීම

මනුෂ්‍ය නොවන ප්‍රාණීන්ගෙන් දැනුම ලබා ගැනීම සම්බන්ධයෙන් සමාජයේ කතා කරන එක හොඳයි. ඒකෙ පැති ගණනාවක් තියෙනවා. කවුරු හරි කිවුවොත් තමන්ට දෙවියන්ගෙන් හරි භූතයකුගෙන් හරි දැනුම ලැබෙනව කියල අපි එය විශ්වාස කරන්නෙ කොහො ම ද? ඕනෑම හොරෙකුට තමන්ට දෙවියන් සම්බන්ධ යැයි කියමින් අනෙක් මිනිසුන් රවටන්න බැරි ද? මේ ලියා පදිංචි නැති දැනුම අප විශ්වාස කරන්නේ කෙසේ ද?

මා ලියා පදිංචි දැනුම වශයෙන් සලකන්නේ සහතික පත් ලද්දවනුන්ගේ දැනුමයි. එය ලන්දේසින් හා පසුව ඉංගිරිසින් තමයි අපට හඳුන්වා දී තියෙන්නෙ. මා කියා ඇති ඉංගිරිසින් ලෝකයක් පාලනය කෙළේ දැනුම කළමනාකරණයෙන්. ලියා පදිංචි දැනුමත් ඒ කළමනාකරණයේ කොටසක්. අපට අද ඇත්තේ ඉංගිරිසි පාසල් පමණයි. මා ඉංගිරිසි පාසල් යනුවෙන් හඳුන්වන්නේ ඉංගිරිසි මාධ්‍යයෙන් උගන්වන පාසල් නොවෙයි. ඉංගිරිසින්ගේ අධ්‍යාපනය මොන බසකින් හරි ලබා දෙන පාසලක් ඉංගිරිසි පාසලක් ලෙස හඳුන්වනවා.

අපේ අධ්‍යාපනය සහතික පත් ලබා දෙනවා. ඒ සහතික සාමාන්‍යයෙන් ලෝකයේ බොහෝ රටවල පිළිගැනෙනවා. 1969 ජනවාරියෙ මා එංගලන්තයේ සසෙක්ස් විශ්වවිද්‍යාලයට ඇතුල් වුණු දවසෙ ම එහි ගණිතමය හා භෞතිය විද්‍යා පාසලේ (School of Mathematical and Physical Sciences) තාක්‍ෂණ නිලධාරියකු වශයෙන් සේවය කළ සිංහලයකු මට මුණ ගැසුනා. මාත් ඇතුල් වී සිටියේ ඒ පාසලේ ම තාරකා විද්‍යා මධ්‍යස්ථානයටයි. ඒ නිලධාරියා තාරකා විද්‍යා මධ්‍යස්ථානයේ ආචාර්යවරුන්ගෙන් දැන ගෙන තිබුණා ලංකාවෙන් ශිෂ්‍යයකු පැමිණීමට නියමිත බව.

ටික වෙලාවක් ආගිය තොරතුරු කතාවල නිරත වීමෙන් පසුව ඔහු මට කිවුවා තාරකා විද්‍යා මධ්‍යස්ථානයේ ආචාර්යවරයකු ඔහු සමග කී දෙයක්. ඒ ආචාර්යවරයා කියා තිබුණේ මා තම මධ්‍යස්ථානයට ඇතුළත් කර ගැනීමේ දී කිසිම ප්‍රශ්නයක් නොතිබූ බවත් ලංකා විශ්වවිිද්‍යාලයේ උපාධිය පිළිගැනෙන බවත්. එහෙත් ඉන්දීය විශ්වවිද්‍යාලවල උපාධිධාරීන් පශ්චාත් උපාධි අපේක්‍ෂක සිසුන් ලෙස බඳවා ගැනීමේ දී පරීක්‍ෂාවට ලක් කෙරෙන බවත්. ඒ නිලධාරියා ඒ බව මට කිවුවෙ ආඩම්බරයකින්. මාත් එදා ඒ අහගෙන හිටියෙ ආඩම්බරයකින්.

මියන්මා භික්‍ෂූන් වහන්සේ ලංකාවට වැඩම කරනවා අපේ විශ්වවිද්‍යාලවලින් උපාධි ලබා ගැනීමට. ඒ පාලි බෞද්ධ දර්ශනය බෞද්ධ ශිෂ්ඨාචාරය වැනි විෂයවලින්. මියන්මා භික්‍ෂූන් වහන්සේ තුන්සිය නමකට වැඩි පිරිසක් ලංකාවෙ ඉගෙන ගන්නවා. එහෙත් මියන්මාහි ඇති බෞද්ධ අධ්‍යාපනය ඉතා ඉහළයි කියා තමයි කියන්නෙ. මියන්මා වඩින සිංහල භික්‍ෂූන් වහන්සේත් ඒ බව පවසනවා. මට ප්‍රශ්නයක් වුණෙ එසේ නම් මියන්මා භික්‍ෂූන් වහන්සේ ලංකාවට වැඩම කරන්නෙ ඇයි ද යන්න. මට ලැබුණු පිළිතුර වුණෙ ලංකාවෙ උපාධිය බටහිර රටවල පිළිගැණෙන නමුත් මියන්මා උපාධිය පිළිගැනෙන්නෙ නැති බව.

මේ සහතික පිළිගැනීම පිටුපස විවිධ හේතු කාරණා තියෙනවා. අපේ අනුකාරකත්වයත් එක් ප්‍රධාන හේතුවක්. බටහිර වෙද මහතකු හරි බටහිර නීතිඥයකු හරි අපට හඳුනගන්න අපහසුවක් නැහැ. ඊනියා විධිමත් අධ්‍යාපනයක් ලැබ අවසානයේ නීති විද්‍යාලයෙන් හරි විශ්වවිිද්‍යාලයකින් හරි සහතික අරගෙන අදාළ ආයතනවල ලියා පදිංචි අය නීතිඥයන් බටහිර වෙද මහතුන් ලෙස සමාජයේ පිළිගැනෙනවා. එහෙත් ධම්මික වෙද මහතා හරි ප්‍රියන්තා සේනානායක මහත්මිය හරි වෙද මහතකු වෙද හාමිනේ කෙනකු ලෙස පිළිගැනෙන්නේ කෙසේ ද?

එය සහතිකවලින් තීරණය කරන්නක් නො වෙයි. එය සමජයීය ප්‍රශ්නයක්. අපි ඒ කරන්නේ කෙසේ ද යන්න පසුව සාකච්ඡා කරමු. දැනට වෙනත් ප්‍රශ්නයක් කතා කරමු. බටහිර නීති ක්‍ෂෙත්‍රයේ හරි බටහිර වෛද්‍ය ක්‍ෂෙත්‍රයේ හරි සහතික ලත් අය අතරින් දක්‍ෂයන් වෙන් කරන්නේ කෙසේ ද? මිනිසුන් නඩු කීම සඳහා හරි ප්‍රතිකාරයක් කර ගැනීම සඳහා හරි නීතිඥයකු හරි බටහිර වෙද මහතකු හරි තෝරා ගන්නේ කෙසේ ද?

සමහර නීතිඥයන්ට නඩු පෝලිමේ ගලා එද්දී තවත් සමහරු මාර්ග නීති කඩකළ අය අල්ලා ගැනීමට උසාවි භූමියේ එහාට මෙහාට දුවන්නේ ඇයි? නීතිිඥයන් අල්ලන නඩු කියන්නන් ඉන්නවා. ඒවගේ ම නඩු කියන්නන් අල්ලන නීතිඥයන් ඉන්නවා. බටහිර වෙද මහතුන් වෙද හාමිනේලා අතරත් මේ ප්‍රශ්නය තියෙනවා. සමහරුනට චැනල් තියෙනවා. සමහරනෙට වැලේ වැල නැහැ. එහි දී සමාජය සලකන්නේ සහතිකය ද වෙනත් දෙයක් ද? චැනල් නැති සමහරු ගබ්සා කරනවා.

එය ගුරුවරුන් හා වෙනත් අය සම්බන්ධයෙන් ද ක්‍රියා කරනවා. හැම ගුරුවරයාගේ ම උපකාරක පංති සාර්ථක වන්නේ නැහැ. ප්‍රථම උපාධියේ ප්‍රථම පංති සාමාර්ථයක් තිබූ පමණින් සිසුන් රොද බැඳගෙන ඒ ගුරුවරයාගේ පංතිවලට සහභාගි වන්නේ නැහැ. විශ්වවිද්‍යාලවල ගුරුවරුන් අර 80% නීතිය ක්‍රියාත්මක නොකළොත් දැන ගනීවි සිසුන් සහභාගි වන්නෙ කාගෙ දේශනවලට ද කියල.

අපි ගෙදර වැඩට වඩු බාසුන්නැහැ කෙනකු හරි මේසන් බාසුන්නැහැ කෙනකු හරි තෝරා ගන්නේ කොහොම ද? ඔවුන්ගෙ සහතික බලා නො වෙයි. ඒ සඳහා සමාජය විසින් යම් ක්‍රියා මාර්ගයක් සකස් කරල තියෙනවා. බටහිර වෙද මහතකු තෝරා ගන්න එකත් නීතිඥයකු තෝරා ගැනීමත් සහතික මත පමණක් කෙරෙන දෙයක් නො වෙයි.

අනේ කුඹින්නේ

තවත් කළු දිනයක්. ඒ ගමන කළු ඉරිදාවක්. කළු මළගමට නරකට තියෙන පාටක්. ඒත් බෞද්ධයන් අතර නොවෙයි. බෞද්ධයන් නම් මළගමටත් පින්කමටත් සුදු අඳින්නෙ. ඒක කවද පටන් ගත්ත එකක් ද දන්නෙ නැහැ. ඒත් බෞද්ධයන් කළු නම් අඳින්නෙ නැහැ. නීතිඥයන් නම් කළු අඳිනවා. කළු කර පටියක් ද බඳිනවා. ඒකෙ තේරුම දන්නෙ නැහැ. නීතිඥයන් අයහපත් බවේ සංකේත ද? ඒ වුණත් ලංකාවෙ නීතිඥවරියන් නම් කැමති සුදු අඳින්න වගෙයි. ප්‍රථම උපාධි ලෝගුවත් කළු පාටයි. ඒකෙ තේරුම මොකක් ද? සාමාන්‍යයෙන් බටහිර ක්‍රමයට අඳින මනමාලයන් අඳින්නෙත් කළු කබායක් සහ කළු කලිසමක්. කොහොමත් බටහිර කබාය හා කලිසම සාමාන්‍යයෙන් කළු. බටහිරයන් කළු පාටට මෙතරම් කැමති ඇයි. ඔවුන් අවිඥානික ව දන්න දෙයක් තියෙනවා ද? ඊනියා මනෝ විශ්ලෙෂකයකුට එයට කතාවක් හදන්න පුළුවන් ද?

ඒ කොහොම වුණත් කළු ඉරිදා ව පනවල තියෙන්නෙ කාදිනල්තුමා. එ පාස්කු ප්‍රහාරය පිළිබඳ කොමිසමේ වාර්තාවෙන් යුක්තිය ඉටු වුණේ නැහැ කියන පදනමෙන්. ඒ වාර්තාවෙ එක වෙළුමක් පමණක් දීල කියල සජිත් කෑ ගහනවා. අනෙක් වෙළුම්වල තියෙන්නෙ සාක්‍ෂි හා වෙනත් ලියවිලි වෙන්න ඕන. වාර්තාව හැටියට ලියල තියෙන එක තමයි පළමුවැනි වෙළුමෙ තියෙන්නෙ. මා ඒ බව කියන්නෙ සාමාන්‍යයෙන් වෙන්නෙ එහෙම නිසා. ඉතිරි වෙළුම් ටිකත් සජිත්ගෙ පිනාබර දෝතට ලැබේවි. මේ රටේ කවුරු විපක්‍ෂයෙ සිටියත් කරන්නෙ ආණ්ඩුවෙ ඇති වැරැද්දටයි නැති වැරැද්දටයි ඔක්කොට ම ආණ්ඩුවට දොස් කියන එක.

පාස්කු ඉරිදා ප්‍රහාරය සිද්ධ වුණෙ ඊනියා යහපාලන ආණ්ඩුව කාලෙ. ඒකෙ මෛත්‍රිපාල ජනාධිපති, රනිල් අගමැති. සජිත්ලා කිරිඇල්ලල ඇමතිවරු. ඔය කොමිසමත් කොමිසමට ඉස්සෙල්ල විමර්ශන කමිටුත් පත් කෙළෙ ඊනියා යහපාලනෙන්. වාර්තාව පිටවුණෙ නම් ගෝඨාභය ආණ්ඩුව කාලෙ. විපක්‍ෂය කියන්නෙ ඔවුන් බලයෙ හිටිය නම් වෙනත් වාර්තාවක් පිටවෙන්න තිබුණ කියල ද? මේ ආණ්ඩුව කොමිසම ලවා වාර්තාව තමන්ට ඕන විධියට සකස් කරව ගත්ත කියල ද?

එහෙම ඉඩක් නැහැ කියල මා කියන්නෙ නැහැ. ඒත් විපක්‍ෂය එහෙම මතයක් දරනව නම් ප්‍රසිද්ධියෙ ඒ බව කියන්න ඕන. ඉන් කොමිසමට අපහාසයක් වෙනව කියල නොකිය ඉන්න එක හරි නැහැ. වාර්තාවෙ සාක්‍ෂි හා වෙනත් ලිය කියවිලි අඩංගු ඉතිරි වෙළුම් ටික ඉල්ලල කෑ ගහන සජිත් කොමිසම් වාර්තාව ලියවිල තියෙන හැටි කියන්න බය ද?

වාර්තාව ගැන විවිධ අය විවිධ කතා කියනවා. සජිත්ලත් වාර්තාව ගැන කියන්නෙ එය මේ ආණ්ඩුවෙ වැඩක් බව පෙන්නන්න. මා දන්නෙ නැහැ මේ ආණ්ඩුවෙන් කොමිසමේ වැඩ කටයුතු වෙනස් කෙරුව ද කියල. ඒත් කොමිසමේ සාමාජිකයන් වෙනස් වුණෙ නැහැ කියලයි මගේ මතකය. මෙහි දී මා වැරදි වෙන්න පුළුවන්. මේ ආණ්ඩුව සජිත්ලගෙ චෝදනාවලට නිසි පිළිතුරු දෙන්නෙ නැත්තෙ ඇයි ද කියන එක නම් ප්‍රශ්නයක්.

මේ වාර්තාවෙන් ප්‍රධාන වශයෙන් කියැවෙන්නෙ පාස්කු ප්‍රහාරය වළක්වා ගැනීමට මෛත්‍රිපාල සිරිසේන, පූජිත ජයසුන්දර, හේමසිරි ප්‍රනාන්දු ආදීන් කටයුතු නොකිරීමෙන් වගකීම පැහැර හැරි බවයි. රනිල්ට ඒ චෝදනාව ඒ අයුරින් එල්ල කෙරෙන්නේ නැහැ. ඔහු ආණ්ඩුවේ අගමැති. අපේ රටේ කියන විධියට පූජිත මෛත්‍රිපාලගෙ මිනිහෙක් නො වෙයි. ඔහු රනිල්ගෙ මිනිහෙක් ද? එහෙම නම් රනිල් දක්‍ෂ ලෙස චෝදනාවෙන් බේරුණා ද? රනිල්ට විරුද්ධ ව කියැවෙන්නෙ මුස්ලිම් අන්තවාදයක් පැතිරෙන බවක් විශ්වාස කළ නොහැකි බව කීමයි.

අනෙක් අතට මුස්ලිම් දේශපාලනඥයන් නිදොස් වෙලා තියෙනවා. බැරි වෙලාවත් සහාරාන් මැරුණෙ නැත්තන් ඔහුත් නිදහස් වෙන්න තිබුණා. මුස්ලිම් දේශපාලනඥයන් පාස්කු ප්‍රහාරය ගැන කිසිවක් නොදැන සිටියා කියා විශ්වාස කරන්න අමාරුයි. යම් කිසිවකු මුස්ලිම් දේශපාලනඥයන් නිදහස් කර ගන්න කළ උත්සාහයක් ද පේන්න තියෙනවා. කෙසේ වෙතත් මුස්ලිම් දේශපාලනඥයන් ඒ මත පදනම්වෙලා උදම් අනන බවක් පේන්න තියෙනවා.

මේ අතර බොදු බල සේනාව හොඳ කතාවක් කියල තිබුණ. ඒ බෝන් අගේන් අයකු වාර්තාව සකස් කිරීමේ දී යම් මැදිහත්වීමක් කර ඇති බවයි. අප බොදු බල සේනාව සමග එකට වැඩ කරන්නේ නැහැ. ඒත් මේ කතාවෙ ඇත්තක් තියෙන්න පුළුවන්. මුල සිට ම අපේ මතය වුණෙ පාස්කු ප්‍රහාරය බටහිර ක්‍රිස්තියානි සංස්ථාපනය විසින් මුස්ලිම් අන්තවාදය යොදා ගෙන කරන ලද්දක් ලෙසයි. 2019 අප්‍රේල් මාසෙත් අපේ ස්ථාවරය වුණෙ ඒකයි. බටහිරයන් හා චීනය අතර ඇති ප්‍රශ්නය හා නව සේද මාර්ගය අසාර්ථක කිරීමට බටහිරයන්ට ඇති අවශ්‍යතාවත් මේ ප්‍රහාරය මෙන් ම පිලිපීනයේ කරන ලද ප්‍රහාරය පිටුපසත් ඇති බව අප කියා ඇති. බටහිර ක්‍රිස්තියානි සංස්ථාපනයෙ ගාමක බලවේගය බවට මේ වන විට බෝන් අගේන් පත්වෙලා.

බෝන් අගේන් සාම්ප්‍රදායික ක්‍රිස්තියානි සභාවලට, විශේෂයෙන් ම කතෝලික සභාවට විරුද්ධයි. මඩකලපුවේ හැරෙන්න පාස්කු ප්‍රහාරයේ දී පහර දුන්නෙ කතෝලික පල්ලිවලට. මේ ප්‍රහාරය සමග හෝටල්වලත් බෝම්බ පිපිරුණා. මෙහි එක ගලෙන් කුරුල්ලන් කිහිප දෙනකු මරා ගැනීමක් ද පේන්න තිබුණා. සැලසුම් කරුවන්ට සිංහල මුස්ලිම් ගැටුමක් ඇති කරල සිංහලයන්ට විරුද්ධ ව තවත් ඊනියා ජාත්‍යන්තර මතයක් ඇති කිරීමේ අවශ්‍යතාවක් ද තිබුණා. එහෙත් එය හරි ගියේ නැහැ. මා හිතන විධියට කාදිනල්තුමාට බෝන් අගේන් සම්බන්ධය ගන වැටහීමක් තියෙනවා. එතුමා බලාපොරොත්තුවෙන් ඉන්න ඇති කොමිසම් වාර්තාවෙන් බෝන් අගේන් කතාව හෙළිදරවු වේවි කියා. ඒත් එය සිදු වෙලා නැහැ. අද ලෝකයේ මුස්ලිම් අන්තවාදය මෙහෙයවනු ලබන්නෙ ඇතැම් ක්‍රිස්තියානි සභා විසින්. බෝන් අගේන් ඉන් ප්‍රධානයිි.

කොමිසම සහාරාන් පිටුපස හිටියෙ කවුද කියල හොයල බලල නැහැ. එහෙම හෙවුව නම් බෝන් අගේන් හා මුස්ලිම් අන්තවාදය හෙළිදරවු වෙන්න තිබුණ. මුස්ලිම් සම්බන්ධය වහන්න ඕන වෙච්ච අයට ම බෝන් අගේන් සම්බන්ධයත් වහන්න ඕන වුණා කියා අපට කියන්න බැහැ. කොහොම වෙතත් කොමිසම ඒ ගැන හොයල නැහැ. ඒ නොසොයා ඔවුන් ප්‍රහාරය වැළැක්වීමට පියවර නොගැනීම ගැන පමණක් හොයල. එහිදිත් රනිල්ට හොඳ චරිත සහතිකයක් දීල. පාස්කු ප්‍රහාරයට ඒ අවස්ථාවෙ ලංකාව තෝරා ගැනීමට නම් මෙරට ඊනියා යහපාලනයෙ තිබූ හවුල් අවුල බුද්ධි අංශය දුර්වල වීම ආදිය බලපාල.

ප්‍රහාරයේ සැලසුම් කරුවනට සිංහලයන්ට විශේෂයෙන් ම සිංහල බෞද්ධයනට විරුද්ධ ව තවත් ඊනියා ජාත්‍යන්තර මතයක් ඇති කිරීමේ අවශ්‍යතාව තිබුණ බව නම් පැහැදිලියි. අද ලංකාවෙ ඉන්න සිංහල ජාතිය හා අනෙක් ජනවර්ග හා ජන කොටස් සැලකුව ම ජාත්‍යන්තර ව දුර්වල ම සිංහල බෞද්ධයන්. මට මේ වෙලාවෙ මතක් වෙන්නෙ සභ්‍යත්ව ගැටුම පොත ලියූ සැමුවෙල් හන්ටින්ග්ටන්. ඔහු විවිධ සභ්‍යත්ව ගැන කියනවා. එහෙත් ථෙරවාද සභ්‍යත්වයක් නැති බව පැහැදිලි ව කියනවා. ඔහු සභ්‍යත්වයක් කියන්නෙ මනුෂ්‍යත්වයට පසු පොදු බවක් කතා කරන්න පුළුවන් විශාල ම ජන එකතුවකට. සභ්‍යත්වය කියන්නෙ බටහිර සංකල්පයක්. සභ්‍යත්වය කියන එක අප ළඟ තිබිල නැහැ. සංස්කෘතිය නම් ඒ නමින් නැතිවුණත් තිබුණ. සිංහල බුද්ධාගම කියන්නෙ සංස්කෘතියක්. ඒත් ථෙරවාද බෞද්ධ සභ්‍යත්වයක් තිබිල නැහැ. මියන්මාවෙ බෞද්ධ සංස්කෘතීන් ම රාශියක් තියෙනවා. සිංහල බෞද්ධ සංස්කෘතිය තියෙනවා. තායි ලාම් කාම්බෝජ බෞද්ධ සංස්කෘතීන් තියෙනවා. ඒත් අප ථෙරවාදීන් ලෙස බැඳිල නැහැ.

අද මේ ගැටුමට මැදිහත්වන සභ්‍යත්ව රාශියක් තියෙනවා. ක්‍රිස්තියානි සභ්‍යත්වය, කතෝලික සභ්‍යත්වය, මුස්ලිම් සභ්‍යත්වය, චීන සභ්‍යත්වය, වෛදික සභ්‍යත්වය. වෛදික සභ්‍යත්වය හැරෙන්න ඒ ඒ සභ්‍යත්වවලට ජාත්‍යන්තර සම්බන්ධකම් තියෙනවා. වෛදික සභ්‍යත්වය ඉන්දියාවෙ විවිධ සංස්කෘතීන් එක් කරනවා. ඒ සම්බන්ධකම් නිසා තමයි කාදිනල්තුමා පසුගිය දා තර්ජනය කෙළෙ ජාත්‍යන්තරයට යනවා කියල. මුස්ලිම් සභ්‍යත්වයට ප්‍රශ්නයක් වෙන කොට ඉම්රාන් ඛාන් හරි මැදිහත් වෙනවා. සිංහල බෞද්ධයන් වෙනුවෙන් මැදිහත් වෙන්නෙ කවුද? ථෙරවාද හිඩැස පුරවන්න චීනය මැදිහත් වෙන්න ඉඩ තියෙනවා.

චීන රාජ්‍යය සභ්‍යත්ව රාජ්‍යයක් කියා මාටින් යක් කියනවා. අප සභ්‍යත්ව රාජ්‍යයක් කරා යනව කියන්නෙ චීන සභ්‍යත්ව රාජ්‍යයට එකතු වෙන එක ද? අපට තිබී ඇත්තේ සිංහල බෞද්ධ රාජ්‍යයක්. එය සංස්කෘතික රාජ්‍යයක්. එය එක්සේසත් රාජ්‍යයක්. අපට තනියම සභ්‍යත්ව රාජ්‍යයක් හදන්න බැහැ. අප සංකල්ප අවුල් කර ගන්න ඕන නැහැ. අප විවිධ සංස්කෘතීන් ලෙස පවතිනවා පමණක් නොව අපට නායකයන් ද නැහැ. කාදිනල්තුමා කතෝලිකයන් වෙනුවෙන් කතා කරනවා. කතෝලික සභාවට අඩු තරමෙන් ප්‍රසිද්ධියේ තියෙන්නෙ එක මතයයි. සිංහල බෞද්ධයනට මත කීයක් තියෙනවා ද? අපට ඒකනායකලා රාශියක් ඉන්නවා. මහානායක හාමුදුරුවරු කී නමක් වැඩ ඉන්නවා ද? අපෙන් ඇහුවොත් කියන්නෙ නම් ධර්මය ගුරු තනතුරෙහි තබා ගෙන කටයුතු කරනවා කියා.

ඒක පැත්තකින් තියමු. පාස්කු කොමිසම සහරාන් පිටුපස සිටි අය ගැන නොසෙවීමෙන් විවිධ අය චෝදනා නැති තත්වයකට පත් වෙනවා. දැන් ප්‍රශ්නය වෙලා තියෙන්නෙ සහරාන් පිටුපස සිටි අය ගැන සෙවීම වැළැක්වීම පිටුපස කිසිවකු සිටියා ද කියා. ඒ කොහොම වෙතත් ඉන්දියාව මේ තොරතුරු ලබා ගත්තෙ කොහොම ද? අර ඉන්දියාවට පැන ගියා කියන දෙමළ කත කවුද? අපේ රට සභ්‍යත්ව ගැටුමේ මධ්‍යස්ථානයක් වී ඇත් ද? ඒ අතර අප තව තවත් බෙදෙනවා. අප විවිධ නායකයන් යටතේ බෙදෙනවා. එසේ බෙදන්නට කිසිවකු කටයුතු කරනවා ද?

සංඛ අමර්ජිත්ගේ ප්‍රශ්නය හා ජනමාධ්‍ය

ඊයේ අලුත් පාර්ලිමේන්තුවේ අලුත් මුහුණු සමග අලුත් අදහස් සාකච්ඡා වුණා. දැනුම් පද්ධති ගැන, බටහිර විද්‍යාව ගැන, බටහිර හා පෙරදිග වෙදකම ගැන කතා වුණා. එහි දී සංඛ අමර්ජිත් ඇසූ වැදගත් ප්‍රශ්නයකට පිළිතුරු දීමේ අවස්ථාව මග හැරී ගියා. ඔවැනි සංවාදවල දී එසේ වන අවස්ථා එමටයි. මගේ අත්දැකීමෙන් ද මා ඒ බව දන්නවා. ප්‍රශ්නයක් අසා උත්තරයක් දෙමින් සිටිය දී අතුරු මාතෘකාවක් අනුව ප්‍රශ්නයක් ඇහෙන්න පුළුවන්. එහෙමත් නැත්නම් අතුරු මාතෘකාවක් ඔස්සේ කතාව ඇදී යන්න පුළුවන්. එවිට අර පළමු ප්‍රශ්නය අමතක වෙනවා.

සංඛ ඇසූවේ පාරම්පරික වෙදකමේ කොවිඩ් 19 රෝගය හැඳිනගන්න පුළුවන් ද කියා. එයට එහි සිටි වෙදමහතා පිළිතුරක් දුන්නා. ඒ පිළිතුරෙන් කියැවුණෙ රෝගය නොව රෝගියා හැඳින ගැනීමේ ක්‍රමයයි. වෙදමහතා තුන්විධ පරීක්‍ෂාවක් ගැන කිවුවා. අවසන නාඩි ඇල්ලීම ද සඳහන් කළා. එපමණක් නොව කොවිඩ් 19 හා කප්ප නැත්නම් සෙම කිපීම අතර සම්බන්ධයක් ද සඳහන් කළා. සංඛ බැරි වෙලාවත් කොවිඩ් 19 රෝගියකු වුවත් සංඛගේ නාඩි ඇල්ලීමෙන් පමණක් වෙදමහතාට රෝගය බෝ නොවෙන බවත් සඳහන් කළා.

එහි කිසිම ගැටළුවක් නැහැ. එහෙත් සංඛගේ ප්‍රශ්නයෙන් උලුප්පා ගත යුතු කොටසක් මග හැරී ගියා. සංඛ ප්‍රශ්නය ඇසුවේ බටහිර වෙදකමෙන් කොවිඩ් 19 රෝගය හැඳින ගැනීමට හැකිය යන උපකල්පනයෙන් කියායි මට හැඟී ගියේ. පාරම්පරික වෙදකමේ කොවිඩ් 19 රෝගීන් හැඳින ගැනීමට හැකියාව ඇති අතර එසේ හඳුනාගත් රෝගීන් සඳහා ප්‍රතිකාර ද තියෙනවා. එය එක ප්‍රතිකාරයක් නොව වෙද මහතාගෙන් වෙද මහතාට වෙනස් වෙන ප්‍රදේශයෙන් ප්‍රදේශයට වෙනස් වෙන ප්‍රතිකාර. වෙද මහතා ඒ බව ද පැහැදිලි කළා. මා එවැනි කතාවක් මුලින් ම ඇහුවෙ බොරුපන නැත්නම් රුහුණු වෙදමහතාගෙන්. රුහුණු වෙද මහතා අවුරුදු හතළිහකට පමණ උඩ දි මට කියා දී තිබුණා පාරම්පරික වෙදකම ප්‍රදේශයෙන් ප්‍රදේශයට වෙනස් වීම හා එයට බලපාන හේතු.

බටහිර වෙදකමේ කොවිඩ් 19 රෝගයට (ඔවුන් කියන විධියට රෝගීන්ට නොවෙයි. දශක තුනකට පමණ පෙර බටහිර වෙදමහතුන්ගෙ ගුරුවරයකු වූ කාලෝ ෆොන්සේකා මේ රෝගය හා රෝගියා අතර වෙනස ගැන දිවයින පුවත්පතේ මා සමග වාදයකට ද එළඹියා) ප්‍රතිකාරයක් නැතිවා පමණක් නොව රෝගය හඳුනා ගැනීමට ද නොහැකියි. රූපවාහිනියේ ප්‍රවෘත්ති ප්‍රචාරයේ හැමදාම කොවිඩ් තත්වය වාර්තා කරනවා. අද ආසාදිතයන් මෙපමණයි. මෙපමණ රෝගීන් සුව වී ගොස් තිබෙනවා. දැනට සමස්තයක් ලෙස 95%ක් පමණ සුව වී තිබෙනවා කියනවා. අපත් මේ සුරංගනා කතාව හැමදාමත් අහනවා.

එහෙත් බටහිර වෙද මහතුන් මොනවා කිවුවත් මේ කියන්නේ පීසීආර් පරීක්‍ෂණ ගැන. අර කොවිඩ් අලුත්ගේ නිතර කියන්නේ පීසීආර් පරීක්‍ෂණ තව තවත් වැඩි කරන්න කියා. ඒක හොඳයි. කාට කාටත් වැඩ තියෙන්න එපායැ. ඒත් මේ පීසීආර් පරීක්‍ෂණවලින් ලබා ගන්න දත්තවලින් කියන්නෙ මොකක් ද? කොවිඩ් 19 වෛරසය යමකුගේ ශරීරයට ඇතුල් වී ඇත් ද යන්න පමණයි. එයත් ක්‍රමය මත රඳා පවතින සාපේක්‍ෂ දත්තයක්.

යමකුගෙන් ගන්නා සෙම් පටළයක් දෙගුණයක් හතරගුණයක් ආදී වශයෙන් අභිවර්ධනය කරනවා. ඒ අනුව ශරීරගත වී ඇති වෛරසය ගැනත් කියන්න පුළුවන්. කොවිඩ් 19 ධන කියන එකෙන් කියන්නෙ අදාළ වෛරසය ශරීරගත වී ඇති බව පමණයි.පරීක්‍ෂාවට ලක් වූ තැනැත්තා කොවිඩ් 19 රෝගියකු ද යන්න ඉන් කියැවෙන්නේ නැහැ. වෛරසයක් ශරීරගත වූ පමණින් යමකු රෝගියකු වන්නේ නැහැ. එහි දී ඒ පුද්ගලයාගේ ශරීර සෞඛ්‍යය ඔරොත්තු දීමේ ශක්තිය ආදිය බලපානවා.

කොවිඩ් 19 වෛරසය ශරීරගත වූ පමණින් යමකු රෝගියකු යැයි නම් කර සුද්දන්ගේ 1898 නිරෝධායන රෙගුලාසිවලට යටත් කර ඊනියා සුව කිරීමක් සඳහා බටහිර රෝහලකට හෝ ඊනියා නිරෝධායන මධ්‍යස්ථානයකට යැවීම රජයටත් මහාජනයාටත් කරන වදයක්. ඇතැම් විට එසේ යවන පුද්ගලයා තම වයෝවෘද්ධ දෙමව්පියන්ට උපස්ථාන කරන එක ම දරුවා වෙන්න පුළුවන්. එහෙමත් නැත්නම් කුඩා දරුවන්ගේ දෙමව්පියන් වෙන්න පුළුවන්.

කොවිඩ් 19 ආසාදිතයන් කියන එකෙන් රෝගීන් බවක් කියන්නේ නැහැ. අවශ්‍ය ම නම් කියන්න පුළුවන් කොවිඩ් 19 ආසාදිතයකුට කොවිඩ් රෝගියකු වීමේ සම්භාවිතාවක් තියෙනවා කියා. එහෙත් එය අහවල් සම්භාවිතාව කියා බටහිර වෙදකම අනුව කියන්න බැහැ. මේ ආසාදිතයන් රෝහලකට හරි වෙනත් තැනකට හරි යැවීමෙන් පසු සිදුවන්නේ කුමක් ද? ඔවුන්ට ප්‍රතිකාරයක් කෙරෙනවා ද? සමහර තැනක දුම් හට්ටිය අල්ලනවා වෙන්න පුළුවන්.

ප්‍රතිකාරයක් නැතත් ටික දිනකින් පසු පීසීආර් සෘණ වෙනවා. එවිට කියනවා රෝගය සුව වී කියා. රෝගීන් 95%ක් පමණ දැනට සුව වී ඇතැයි කියනවා. බටහිර වෙද මහතකු අපට කියනවා ද ඒ ඊනියා රෝගීන් සුව වුණේ ප්‍රතිකාරයකින් ද නැත්නම් කාලෝ ක්‍රමයට ද කියා. රෝගීන් නොවන්නන්ට කොහොමත් සුව වෙන්න දෙයක් නැහැ. අර මධ්‍යස්ථානයේ ටිකක් විනෝද වීමෙන් පසු ඔවුන් ගෙදර යනවා, එපමණයි.

මේ ප්‍රෝඩාව නඩත්තු කිරීම රජයට මෙන් ම ජනතාවට ද කරදරයක්. බටහිර වෙදකමට කොවිඩ් 19 රෝගයට ප්‍රතිකාරයක් නැතිවා පමණක් නොව රෝගියකු හඳුනා ගැනීමට ද නොහැකියි. අද කෙරෙන්නේ ආසාදිතයන් රෝගීන් ලෙස නම් කීිරීමක් පමණයි. එය රෝගීන් හඳුනාගැනීමක් නොව නම් කිරීමක්.

බටහිර වෙද මහත්තුරු තම නොහැකියාව කියන්න ඕන. එසේ නොකියා තමන්ට කොවිඩ් 19 රෝගීන් හඳුනාගැනීමට ක්‍රමයක් ඇති බව ඇඟවීමෙන් කෙරෙන්නේ සංඛ වැනි ජනමාධ්‍යකරුවන් නොමග යැවීමක් පමණයි. අද ජනමාධ්‍යයෙන් තමයි ජනතාව බොහෝ දේ දැනගන්නේ. ජනමාධ්‍යකරුවන් ද එක්තරා ආකාරයකින් අතරමැදියන්. ඔවුන් අර පඬියන් හරි වෘත්තීයකයන් හරි හා ජනතාව අතර ඉන්නන්. බටහිර වෙද මහතුන් අද එසේ ඉන්නන් තම ඉත්තන් කර ගෙන. ඒත් ජනමාධ්‍යකරුවන් හිතන්නෙ තමන් කාගෙවත් ඉත්තන් නොවන බව.

සිංහල ජාතියට අයත් සිංහල භාෂාවේ වචන අපහරණය කිරීම පල්ලිය විසින් වහාම නවත්තන්න ඕන.!
ජාතික අධ්‍යාපන ආයතනයයේ පාසල් විෂයමාලා සම්පාදනය අංශය රට කනවා.

ජාතික අධ්‍යාපන ආයතනයයේ පාසල් විෂයමාලා සම්පාදනය අංශය #NGO කාරයෝ බිලිබාගෙන.
දේශීයත්වයට ,සිංහල ජාතිකත්වයට එරෙහිව ළමා මොළ හෝදනවා.

පෙළපොතට ඉතිහාසයට ඇතුළත් කොට පාසල් පෙළ පොත් නැවත සකසන්න ඕන.

සිරිමාවෝ බණ්ඩාරනායකට එදා රට දියුණු කරන්න පුළුවන් උනේ දේශීය චින්තනය ඒ වෙනකොට රටේ පැල කරලා තිබුන නිසයි.සිංහලය රාජ්‍ය භාෂාව කල නිසයි.

ගමේ ළමයට පමණක් ඉංග්‍රීසි බැරිවෙන්න ඇමරිකානු ක්‍රමයට පාසැල් ඉංග්‍රීසි පෙළපොත හදලා.

ඇමරිකානු කතන්දර ගමේ ළමයට තේරෙන්නේ කොහොමද ?.

කිරිබත්ගොඩ ඤාණානන්ද හිමියන් යනු පල්ලියේ න් දාපු ඇමරිකානු අත කොලුවකි.

මේ දවස්වල ගෝටාට ඇම්බුෂ් එකක් දාගෙන යනවා .
ථෙරවාද සංස්කෘතියට එරෙහි ක්‍රිස්තියානි,මුස්ලිම් සංස්කෘති පමණක් නොව හින්දු සංස්කෘතියත් එකතු වෙනවා.
අද අප හමුවේ ඇත්තේ මේ ප්‍රශ්නයයි.

පුරා විද්‍යා දෙපාර්තමේන්තුවේ සහ බුද්ධ ශාසන අමාත්‍යාංශයේ ඉන්න ඩබල් එජන්ට්ලා හඳුනා ගන්න ඕන .

නවීන ලෝකයේ අවි ආයුධ වලින් යුද්ධ කරන්න බෑ.

1962 සිරිමාවෝ නූලෙන් බේරුණා, 2015 මහින්ද අහු උනා,
බුද්ධි තොරතුරු අංක 1 අවියයි.

රට හදනවානම් සියලුදෙනා ආගම ජාතිකත්වය කරගන්න ඕන. ඇමරිකාවට,අරාබියට ගතු කියන එවුන් පරයන් ලෙස හදුනාගමු.
මාව බේරගනියෝ කියන්නේ පරයෝයි !

ථෙරවාද සංස්කෘතියට එරෙහි ක්‍රිස්තියානි,මුස්ලිම් සංස්කෘති පමණක් නොව හින්දු සංස්කෘතියත් එකතු වෙනවා.
අද අප හමුවේ ඇත්තේ මේ ප්‍රශ්නයයි.

උගත්තු සහ නිලදාරීන් තමයි හොරකම අහු නොවෙන්න කරන්න දන්නේ.

අපි පාර්ලිමේන්තු යවන්න ඕන ජාතිකත්වයක් ඇති අය මිසක් උගත්තු ම නොවේ !

පාලනය සදහා තුලනාත්මක ආගමික -දේශපාලන විශ්ලේෂණය ඉතා වැදගත්වේ.
මේ සදහා ආචාර්‍ය නලින්ද සිල්වානන් යෝජනා කරමු !

සියලුම NGO ආයතන ආරක්ෂක අමාත්කංශය යටතට ගන්න ඕන.

වීමර්ශනයකට ලක් කර ජාතික ආරක්ෂාවට තර්ජනය වන සියල්ල
තහනම් කරන්න ඕන.

ජාතික අධ්‍යාපන ආයතනයයේ පාසල් විෂයමාලා සම්පාදනය අංශය රට කනවා.

පෙළපොතට ඉතිහාසයට ඇතුළත් කොට පාසල් පෙළ පොත් නැවත සකසන්න ඕන.

සියලුම NGO ආයතන ආරක්ෂක අමාත්කංශය යටතට ගන්න ඕන.

වීමර්ශනයකට ලක් කර ජාතික ආරක්ෂාවට තර්ජනය වන සියල්ල
තහනම් කරන්න ඕන.

• සාමන්ත ඒකනායක මහතා

තානාපති බලාපොරොත්තුව

මේ ලිපි මුහුණු පොතේ මා නමින් ඇති පිටුවේ පළ වන නමුත් කලක සිට ඒ පළ කෙරෙන්නේ වෙනත් අය විසින්. මා ලිපිය ලියා ඔවුන්ට යැවීම පමණයි කරන්නේ. මට මුහුණු පොතට එළඹෙන්න බැහැ. ඔබ මට මුහුණු පොත මගින් එවන පණිවුඩ එකක්වත් මට නොලැබෙන බව මතක් කර ගන්නේ නම් හොඳයි. එමෙන් ම ඔබ දක්වන ප්‍රතිචාර ද මට කියවීමට ලැබෙන්නේ නැහැ.

මා ඉන්නා රටේ නම ගැන ම මට ප්‍රශ්නයක් තියෙනවා. අප කියන්න පුරුදු වී සිටින්නේ මියන්මාරය කියා. මෙහි වැසියන් තම රටේ නම ශබ්ද කරන්නේ මිය(න්මා) කියා. මා යන්න නාසික ශබ්දයක් ලෙසයි ඇසෙන්නේ. රටේ නම සමහරු ඉංගිරිසියෙන් ලියන්නේ Myanma කියා මිස Myanmar කියා නොවෙයි. මේ ඉංගිරිසි ර අකුර කෙසේ එකතු වූවා දැයි කියන්න දන්නේ නැහැ. Car bar ආදිය ඉංගිරිසියෙන් ලියන්නෙ ශබ්ද නොවන ර අකුරක් සමගයි. ඒ අනුව ර අකුරක් මියන්මා යන්නට එකතු වන්න ඇති කියල හිතනවා. සිංහල මියන්මාරය යන්න ඒ ර ශබ්දය නිසා ඇති වූවක් වෙන්න පුළුවන්. ඒ ගැන සොයා බලන්න ඕන. දැනට මා මියන්මා කියා ලියනවා.

අපි කුමාර් කියන වචනය Kumar කියා ලියා ඉන්පසු ඉංගිරිසියෙහි ර ශබ්ද නොවන බැවින් කුමා කියා ශබ්ද කරනවා. කුමා සංගක්කාර එයට උදාහරණයක්. එහෙත් සිංහලෙහි හරි සංස්කෘතයෙහි හරි කුමා කියා නමක් නැති බවයි මගේ විශ්වාසය. කුමා යන්නෙහි තේරුම කුමක් ද කියා අප දන්නේ නැහැ. එහෙත් කුමාර් යන්නට නම් නම් තේරුම් තියෙනවා. මියන්මා යන්න මියන්මාර් වී මියන්මාරය වීම මෙහි අනෙක් පැත්ත ලෙසයි මට හිතෙන්නෙ. මා වැරදිවෙන්න පුළුවන්.

ඒ කුමක් වුණත් මා මියන්මා දේශපාලනය ගැන කිසිවක් කියන්නේ නැහැ. එසේ කීම වියනා සම්මුතියේ 41(1) වගන්තියට පටහැණියි. මෙරට රාජ්‍ය සේවය ලංකාවේ රාජ්‍ය සේවයට වඩා වෙනස්. ඒ ගැනත් මා කියන්නේ නැහැ. එහෙත් මට එකක් කියන්න පුළුවන්. ලෝකෙ හැම තැන ම වගේ රාජ්‍ය සේවය කියන්නෙ ඉංගිරිසි රාජ්‍ය සේවය ඒ ඒ රටවල සංස්කෘතියෙහි ක්‍රියාත්මක වන ආකාරය.

දැන් මගේ තානාපති රස්සාව ගැන වචනයක් දෙකක් කියන්න ඕන. මගේ පත්වීම දේශපාලන පත්වීමක්. ලංකාවෙ රාජ්‍ය සේවයේ අය අවුරුදු හැටෙන් විශ්‍රාම ගන්න ඕන. ඒත් මට දැන් හැට පහුවෙලත් අවුරුදු පහළොවකට වැඩියි. ඒ කියන්නෙ හැටේ ඒව එකයි කාලකට වැඩියි. ඒත් හැටහුටාමාරක් නම් නොවෙයි. ඒ වුණත් මියන්මාහි මා පිංපඩි ලබා ගැනීම නම් බොහෝ දෙනකුට ප්‍රශ්නයක් වී තිබෙන බව පැහැදිලියි.

මාසයකට වරක් ජනාධිපතිතුමාට අනුශාසනා කිරීම සඳහා මහා සඟ රුවන රැස්වු විටක විදේශ සේවා ව ගැන ප්‍රශ්න කෙරිල තියෙනවා. මහා සංඝයා වහන්සේ අවවාද කර තියෙන්නෙ විශ්‍රාම ගිය අය තානාපති සේවයට පත් කිරීම නුසුදුසු ය කියා. උන්වහන්සේ එසේ පවසා ඇත්තේ මා ගැන නොවන්න පුළුවන්. ඒත් උන්වහන්සේ වැඩි දුරටත් අනුශාසනා කර ඇත්තේ තායිලන්තයේ හා මියන්මාහි තානාපති තනතුරු සඳහා දර්ශනයක් ඇති සැදැහැවත් බෞද්ධයන් පත් කළ යුතු බව. මා බෞද්ධ දර්ශනය කියා එකක් ඇති බව නම් පිළිගන්නෙ නැහැ. බුදුදහම ගැන නම් මා කතා කරනවා. මා හිතන්නෙ මට ශ්‍රද්ධාවකුත් තියෙනවා කියල.

ජනාධිපතිතුමා මගෙන් මුලින් ම විමසුවෙ ආණ්ඩුකාරයකු වෙන්න කැමති ද කියා. මා ඒ ඉල්ලීම ගරු සරු ඇතිව ම ප්‍රතික්‍ෂෙප කළා. පසුව එතුමා මගෙන් ඇහුවා තානාපති සේවයට කැමති ද කියා.මා කිව්වෙ මියන්මා හරි තායිලන්තය හරි ලැබෙනව නම් යන්නම් කියල. මට අවශ්‍ය වුණෙ ථෙරවාද රටවල් දෙකක් අතර වඩා ශක්තිමත් සම්බන්ධකම් ගොඩ නගා ගන්න. මා මියන්මා රටට ආවෙ එලෙසයි.

එහෙත් මට එතරම් දෙයක් නොවෙයි කිසිම දෙයක් පහුගිය මාස දහයක පමණ කාලයෙහි කරන්න බැරි වුණු බව නම් ප්‍රකාශ කරන්න ඕන. මා බොහෝ දේ සාකච්ඡා කරන්න ඇති. එහෙත් කිසිවක් ක්‍රියාත්මක වෙලා නැහැ. ඇත්තට ම මා කර ඇත්තෙ පිිං පඩියක් ගැනීමයි. ඒ ගැන මට දොස් කියන අය ඉන්න බව මා දන්නවා. මගේ සේවා එකඟතාව අවුරුදු දෙකකට.

මේ දිනවල ලංකාවෙ ධීවරයන් පිරිසක් මියන්මා නාවික හමුදාව විසින් අත්අඩංගුවට ගනු ලැබ ඉරවෙඩි ප්‍රදේශයේ පොලීසියක රඳවා තියෙනවා. ශ්‍රි ලංකා තානාපති කාර්යාලයෙහි නිලධාරි මණ්ඩලය (හතර දෙනකු පමණයි) ඉතා ඕනෑ කමකින් මෙවැනි කාර්යයන්හි දී මැදිහත් වෙනවා. ඔවුන් ඉතා කාර්යක්‍ෂමයි. ඔවුන්ගේ මැදිහත් වීම නිසා අපට නිල නොවන වශයෙන් එකී ධීවරයන් සමග දුරකතනයෙන් සම්බන්ධවීමට අවස්ථාව ලැබුණා. ඔවුන් අධිකරණය ඉදිරියට දැනට දෙවරක් ම පමුණුවා තියෙනවා. එහෙත් ඔවුන්ට විරුද්ධ ව ඇති චෝදනා මොනවා දැයි අපට තවමත් දැන ගැනීමට බැරි වුණා. ඒ ගැන මා පෞද්ගලික ව කණගාටුවෙනවා. ඔවුන්ගේ පවුල්වල උදවිය හා පොදුවේ ශ්‍රී ලාංකිකයන් බලාපොරොත්තු වෙන දේ ඉටු කිරීමට මට නොහැකි වී තිබෙනවා. සමහරවිට ඒ මගේ අදක්‍ෂතාව වෙන්න ඇති. ඔවුන් යහපත් සෞඛ්‍ය තත්වයකින් පසුවෙන බව නම් දැන ගත්තා.

අප රටේ සාමාන්‍ය ජනතාව අතරත් විශේෂයෙන් ජනමාධ්‍යකරුවන් අතරත් තානාපති සේවය ගැන තියෙන්නෙ සුහද හැඟීමක් නො වෙයි. ඔවුන් බොහෝ දෙනකු හිතන්නෙ තානාපති සේවය සුදු අලියකු කියලයි. මියන්මා රටට පැමිණීමෙන් පසු මට කකුල් හතරේ සුදු අලින් නම් දැකගන්න ලැබුණා. මට මෙහි දී මතක් වෙන්නෙ දෙරණෙ කලිඳු කරුණාරත්න රාජ්‍ය ඇමති තාරක බාලසූරියට කෙලින් ම කී දෙයක්. ඔහු කියා සිටියේ තානාපති කාර්යාලවලින් ඉටු විය යුතු සේවය ඉටු නොවන බවක්. තාරක බාලසූරිය එය අනුමත කළා යැයි මට හිතෙනවා.

තානාපති සේවය ගැන මට කියන්න බොහෝ කරුණු තියෙනවා. මේ සේවයෙන් ඉවත් වීමෙන් පසුව ඒ කියන්නම්. එහෙත් දැනට මට කියන්න තියෙන්නෙ විද්‍යාඥයකු වීමේ බලාපොරොත්තුව වගේ ම තවත් බලාපොරොත්තුවක් ඉටු නොවී ඇත යන්න පමණයි.

විනාඩිය, පරම්පරාව සහ විද්‍යාව – තෙෂාන් ප්‍රියදර්ශන මහතා
(දෙසැම්බර් 2020 කාලය සඟරාවේ මංගල කලාපයෙනි)
අතීතයේ විසූ එක්තරා රජතුමෙකු මහාර්ඝ වස්තු සම්භාරයක් සුරක්ෂිතව නිධන්කොට අනාගතයේදී සොයාගත හැකිවන අයුරින් නිධානය වෙත ගමන් කළයුතු මාර්ගය දැක්වෙන ලියැවිල්ලක් ද සකස්කර තැබුවේය. ලියැවිල්ලට අනුව නිධානය ඇත්තේ වසර දහස් ගණනක් ගතවුවත් වෙනස් නොවන ස්ථානයකට සාපේක්ෂ පිහිටීමකය. එම ස්ථානයේ සිට බඹයක් උස මිනිසෙක් උතුරට පියවර සියයක් ද, එතැන් සිට ඊසාන දෙසට පියවර 60ක් ද, එතැන් සිට නැගෙනහිරට පියවර 15ක් ද ගිය තැන පොළව මතුපිට සිට බඹ 5ක් යටින් නිධානය තැන්පත්කර ඇත. නමුත්, පසු කාලයක එම රටේ උගත්තු සහ වියත්හු උතුර, ඊසාන, නැගෙනහිර…ආදී සියළු අට දිශා පිළිවෙලින් දකුණ, නිරිත, බටහිර…ආදී ලෙස ප්‍රතිවිරුද්ධ දිශා අටේ නාමයන්ගෙන් හැඳින්වීමටත්, ඉගැන්වීමටත් පටන්ගත්හ. එහි ප්‍රතිඵලයක් ලෙස රටේ සියළු ජනතාව කාලය ගතවත්ම දිශාවන් පිළිබඳ නව සම්මතයට අනුගත වූහ. පසු කාලයක නිධානය පිළිබඳ ලියැවිල්ල ලැබුණු අයෙක් නිධානය සොයා ගියේය. ලියැවිල්ලේ වූ සටහනින් අදහස්කළ දිශාවලට ප්‍රතිවිරුද්ධ දිශාවලට ගොස්, නිධානයත් නොමැතිව හිස් අතින් පැමිණීමට ඔහුට සිදුවිය.

ඉහත ප්‍රබන්ධ කතාවෙහි මහාර්ඝ නිධානයකුත්, එය තිබෙන ස්ථානය පිළිබඳ ලියැවිල්ලකුත් තිබියදී එය ලබාගැනීමට නොහැකි වූයේ කාගේ වරදින්ද ?

ඉහත කතන්දරයෙන් කියැවෙන දේ සිත්හි තබාගෙන මෙම ලිපියට ප්‍රවේශයක් ලෙස පහත ගැටළු කිහිපය විමසා බලමු.

විනාඩිය යනු මිනිත්තුවමද ? පැය යනු හෝරාවමද ?

ඔබගේ සීයාගේ, ඔබගේ පියාගේ සහ ඔබගේ පරම්පරා එකිනෙකින් වෙනස්ද ?

විද්‍යාව අධ්‍යයනය කළ හැකිද ?

ඉහත ප්‍රශ්න සියල්ලටම බොහෝ දෙනා ලබාදෙන පිළිතුර “ඔව්” යන්නයි. එසේ “ඔව්” යනුවෙන් පිළිතුරු දෙන බහුතරය උගතුන්, වියතුන් ලෙස හැඳින්වෙන්නෝය. එම පිළිතුරු තුළ ගැබ්ව ඇති අදහස් ඔවුහු වියත් සභා මැද මහත් වූ උජාරුවෙන් ප්‍රකාශ කරති. එපමණක් නොව, ඇතැම් වියතුන්ගේ පර්යේෂණ පත්‍රිකා යැයි කියැවෙන ලියැවිලිවල ද එම අදහස් අඩංගු වෙයි…!

ඉහත ප්‍රශ්නවලට ඔබගේ පිළිතුර කුමක්ද ?

දැන් අපි ඉහත ප්‍රශ්නවලට අදාළ කරුණු පිළිබඳව මඳක් විමසා බලමු…

පැය, විනාඩිය, තත්පරය ආදිය කාල ප්‍රාන්තර මැනීම(වේලාව බැලීම) සඳහා සිංහලයන් ගොඩනැගූ ඒකක ය.

දිනකට පැය 60ක් ද, පැයකට විනාඩි 60ක් ද, විනාඩියකට තත්පර 60ක් ද වෙයි.

දිනකට හෝරා(hours) ඇත්තේ 24ක් පමණි. හෝරාවකට මිනිත්තු(minutes) 60 ක් ඇති අතර, මිනිත්තුවකට ඉංග්‍රීසි තත්පර(seconds) 60ක් වෙයි.

මේ අනුව හෝරාවකට පැය 2 1/2ක් ද, මිනිත්තුවකට විනාඩි 2 1/2ක් ද, ඉංග්‍රීසි තත්පරයකට(second) තත්පර 2 1/2ක් ද වෙයි.

ඒකකය කුඩාවන විට මිනුමේ නිරවද්‍යතාවය වැඩිවන බව මේ මොහොතේ සිහිපත් කරගැනීම වටී.

Second යන වචනය සඳහා සිංහල වචනයක් නිර්මාණය කෙරී නොමැත. එමෙන්ම විවිධ ශබ්දකෝෂවල ඒ සඳහා “තත්පරය”, “ක්ෂණය”, “නිමේෂය” වැනි වදන් දක්වා තිබුන ද ඒවා මුලුමනින්ම සාවද්‍ය වෙයි. ඉංග්‍රීසි තත්පර(second) එකක් යනු තත්පර 2 1/2 ක් බව ඉහත පෙන්වා දී තිබේ. එමෙන්ම, චිත්ත ක්ෂණය, රූප ක්ෂණය පිළිබඳව අභිධර්මයේ පැහැදිලිව විස්තර කෙරෙයි. ඒ කොයි ක්ෂණයත් ඉංග්‍රීසි තත්පර(second) එකකට වඩා අතිෂයින්ම කුඩා ය.

කෙසේ නමුත් hour සහ minute යන වදන් සඳහා හෝරාව සහ මිනිත්තුව යන ඉතාමත්ම සරල සුගම වදන් නිර්මාණය කෙරී ඇත. එහෙත් අද වනවිට බොහෝ දෙනා “හෝරාව” සඳහා “පැය” යන වචනයත්, “මිනිත්තුව” සඳහා “විනාඩිය” යන වචනයත් වෙනසකින් තොරව වැරදියට යොදාගනු පෙනෙයි. එසේ යොදාගැනීමේ ගැටළුවක් නැද්ද ? ඉහත සඳහන් නිධානයේ කතන්දරයේ යම් සිදුවීමක් සහ මෙම වචන අවභාවිතය අතර සාදෘෂ්‍යයක් දැකිය නොහැකිද ?
ඉහත ප්‍රශ්න විමසමින්ම අපගේ දෙවැනි ප්‍රශ්නය දෙසට හැරෙමු.
ඔබගේ සීයාගේ, ඔබගේ පියාගේ සහ ඔබගේ පරම්පරා එකිනෙකින් වෙනස්ද ?

ඔබගේ පිළිතුර “ඔව්” නම්, ඔබගේ “හත්මුතු පරම්පරාව” පිළිබඳව ඔබට කීමට ඇත්තේ කුමක්ද ? බුදු දහමේ කියැවෙන “චිත්ත පරම්පරව” පිළිබඳව ඔබට කීමට ඇත්තේ කුමක්ද ? “සඟ පරපුර” පිළිබඳව ඔබට කීමට ඇත්තේ කුමක්ද ?

නව පරපුර, අළුත් පරපුර, දෙමාපියන්ගේ පරපුර, දරුවන්ගේ පරපුර, අනාගත පරපුර, අර පරපුර, මේ පරපුර ආදී මෙකී නොකී දහසකුත් එකක් පරම්පරා ගැන තොරතෝංචියක් නැතිව ඇසෙන කාලයකි මෙය. ගමේ මරණාධාර සමිතියේ සිටම අසන්නට ලැබෙන එම වදන් ඊනියා වියත් සභා දක්වා සෑම තැනකම රැව්පිලි රැව් දෙනු අසන්නට හැකිය. ඔවුන්ට අනුවනම් ඔබගේ සීයා, ඔබගේ පියාගේ පරම්පරාවට පෙර පරම්පරාවේ ය. ඔබගේ පියා ඔබගේ පරම්පරාවට පෙර පරම්පරාවේ ය. ඔබ ඔබගේ දරුවන්ගේ පරම්පරාවට පෙර පරම්පරාවේ ය. එපමණක් නොව ඔබගේ දෙමාපියන් එකම පරම්පරාවකට අයත් වන අතර, ඔබ සහ ඔබගේ සහෝදර සහෝදරියන් එකම පරම්පරාවකට අයත් ය. මේ මොන විකාරයක්දැයි කිසිවිටෙකත් ඔබේ සිතට නැගී නැද්ද ?

අප නැවතත් “හත්මුතු පරම්පරාව”, “චිත්ත පරම්පරාව” ආදිය ගැන විමසා බලමු.

හත්මුතු පරම්පරාව යනු අත්තා(සීයා), මුත්තා, නත්තා, පනත්තා, කිත්තා, කිරි කිත්තා, කිරිකෑ මුත්තා(මී මුත්තා) යන හත් දෙනාය. එහි “පරම්පරාව” යනු ඒකකයකි. “පරම්පරාව” යනු ඒක වචනයක් මිස බහු වචනයක් නොවන බව ඔබට වැටහේද ?

ඔබගේ සීයා ඔබගේ හත්මුතු පරම්පරාවේ එක් පුරුකක් පමණි. එමෙන්ම, ඔබගේ පියා ඔබගේ දරුවන්ගේ හත්මුතු පරපුරේ එක් පුරුකකි. ඔබ ඔබගේ මුණුබුරු මිණිබිරියන්ගේ හත්මුතු පරපුරේ එක් පුරුකක් වනු ඇත.

ඒ හත්මුතු පරම්පරාව ගැනය. දැන් අපි ඔබගේ පරම්පරාව පිළිබඳව විමසා බලමු. ඇත්ත වශයෙන්ම මව් සහ පිය පාර්ශවයන්ගෙන් ඔබ පරම්පරා දෙකකට අයත්ය. ඔබගේ සීයා, ඔබගේ පියා සහ ඔබ පමණක් නොව ඔබගේ දරුවන් ද ඔබගේ පිය(හෝ මව්) පරපුරේ පුරුක් කිහිපයක් පමණි.

ඔබ ඔබගේ පියාගේ පරම්පරාවේ පුරුකක් වන අතරම ඔබගේ මවගේ පරම්පරාවේ ද පුරුක් වෙයි. එහෙත් ඔබගේ පියා සහ මව වෙනස් පරම්පරා දෙකක පුරුක්ය.

සහෝදරයින් දෙදෙනෙකුගේ දරුවන් දෙදෙනෙක් ගතහොත්, ඔවුන් දෙදෙනාට එකම “හත්මුතු පරම්පරාවක්” ඇති නමුත්, එම දරුවන් අයත් වන්න්නේ වෙනස් පරම්පරාවලටය.

මේ අයුරින් සිත්ගන්නාසුළු ලක්ෂණ “පරම්පරාව” යන්නෙහි දැකිය හැක. ඒවා අතර සිත්ගන්නා ගණිතමය සම්බන්ධතා පවා දැකිය හැකිය.

බුදු දහමේ කියැවෙන “චිත්ත පරම්පරාව” ගැන ද ඔබගේ අවධානය යොමු කිරීමට මෙය සුදුසු අවස්ථාවකි. එහිදී කියැවෙන්නේ ද එකක් පසු පස එකක් ඇතිවී නැතිවන සිතිවිලි වැලකි. එනම් “චිත්ත පරම්පරාවකි”. එය ද ඒක වචනයකි. යම් සිතිවිල්ලකට පෙර හා පසු සිතිවිලි වෙනස් පරම්පරාවලට අයත් නොවෙයි. ඒවා එකම පරම්පරාවක පුරුක්ය.

“සඟ පරපුර” ද ඉහත අයුරින්ම තේරුම්ගත හැක. සඟ පරපුර දිගින් දිගටම අඛණ්ඩව පැමිණ ඇත්තේ අපගේ ලොව් තුරා බුදුරජාණන් වහන්සේගෙන් ඇරඹෙමිනි.

මේ අනුව පරම්පරාවක් යනු පෙර ඒකකය මගින් පසු ඒකකය ජනනය කරනු ලබන ඒකක දාමයක් ලෙස අර්ථ දැක්විය හැකිය.

එසේනම් අර විද්වතුන් දොඩවන අනාගත පරපුර, දරුවන්ගේ පරපුර, දෙමාපියන්ගේ පරපුර ආදිය මොනවාද ? ඒ අන් කිසිවක් නොව generation යන්න ගෙඩිය පිටින් ගිලදමා වැමෑරීමකි.

Generation යන්නෙහි පියා(මව) සහ දරුවා වෙනස් generations වලට අයත්වන අතර මව සහ පියා එකම generation එකකට අයත් වෙයි. නමුත්, ඉහත පැහැදිලිකළ පරිදි පියා(මව) සහ දරුවන් අයත්වන්නේ එකම පරම්පරාවකට වන නමුත් මව සහ පියා අයත් වන්නේ වෙනස් පරම්පරාවලටය. එපමණක් නොව, මව සහ පියා යන දෙදෙනාගේම පරම්පරාවලට දරුවන් අයත් වෙයි. ඒ අනුව generation සහ පරම්පරාව යනු මුළුමනින්ම වෙනස් වදන් දෙකක් බව මේ වන විටත් ඔබට සක් සුදක් සේ පැහැදිලිවී තිබිය යුතු ය.

පරම්පරාව යන වචනය මඟින් ඉතාමත්ම නිශ්චිත අදහසක් කියැවෙයි. එයට සාපේක්ෂව generation යන්නෙහි ගැබ්ව ඇත්තේ ඉතාමත්ම විසිරුණු අදහසකි.

එසේනම් generation යන වචනය සඳහා පරම්පරාව යන්න යොදාගන්නේ කුමක් නිසාද ? ඉහත සඳහන් නිධානයේ කතන්දරයේ යම් සිදුවීමක් සහ මෙම වචන අවභාවිතය අතර සාදෘෂ්‍යයක් දැකිය නොහැකිද ?

දැන් අපි අපගේ තෙවන ප්‍රශ්නය ද විමසා බලමු.

විද්‍යාව අධ්‍යයනය කළ හැකිද ?

මෙය ගැටළුවක්දැයි බොහෝ දෙනෙක් සිතනු ඇත. භෞතික විද්‍යාව, රසායන විද්‍යාව, ජීව විද්‍යාව ආදී වශයෙන් ඇති විද්‍යාවන් අධ්‍යයනය නොකර අහවල් දෙයක් කරන්නදැයි ද බොහෝ දෙනෙකු විමසනු ඇත. එසේ විමසන බහුතරය සිංහල බෞද්ධයෝය.

ඔබත් සිංහල බෞද්ධයෙක්නම් අඩුම තරමින් දම්සක් පැවතුම් සූත්‍රය අසා ඇතිවාට සැකයක් නැත. එහි විද්‍යාව පහල වන්නේ අධ්‍යයනයකින් යැයි හෝ විද්‍යාව අධ්‍යයනය කළහැකි යැයි හෝ සඳහන්ව තිබේද ? වෙනත් තැනක හෝ එසේ සඳහන්ව තිබේද ? බුදුන් වහන්සේ තුළ විද්‍යාව පහළ වූයේ වසර සාරාසංඛ්‍ය කල්ප ලක්ෂයක් අධ්‍යයනය කිරීමෙන් යැයි ඔබ විශ්වාස කරන්නේද ?

අප දන්නා බුදු දහමට අනුව අනිත්‍ය, දුක්ඛ, අනාත්ම පිළිබඳ අනවබෝධය හෙවත් අවිද්‍යාව දුරුවීමත් සමඟම විද්‍යාව පහළ වෙයි. එමෙන්ම, පටිච්චසමුප්පාදය අනුව අවිද්‍යාව ඇතිවිට සංස්කාර වෙයි, අවිද්‍යාව දුරුවීමත් සමඟම සංස්කාර ද දුරුවෙයි. සංස්කාරයන්ගෙන් තොර අධ්‍යයනයක් නැත. එබැවින් අධ්‍යයනය කෙරෙන්නේ අවිද්‍යාව හේතුවෙනි. විද්‍යාව අධ්‍යයනය කෙරෙනවා නොව, විද්‍යාව පහළවීමෙන් අධ්‍යයනය කෙළවර වන්නේය.

එසේනම් විද්‍යාව අධ්‍යයනය කළයුතු යැයි බොහෝ දෙනා පවසන්නේ කුමක් නිසාද ?

එයට ඇත්තේ සරල පිළිතුරකි. විද්‍යාව අධ්‍යයනය කළයුතු යැයි පවසන්නෝ science නමැති දැනුම් පද්ධතිය හැඳින්වීම සඳහා විද්‍යාව යන වදන අවභාවිතා කරයි. එය ඉහළින්ම සිදුකරනුයේ උගතුන් යැයි සම්මත පුද්ගලයින්ය.

පරම්පරාව සහ විද්‍යාව යන සිංහල වදන්වලට ඇතැම් ඉංග්‍රීසි වදන්වල අර්ථය ඔබ්බවමින් එම සිංහල වදන් විකෘති කෙරී තිබේ. එසේ වන්නේ ඇයි ? ඉහත සඳහන් නිධානයේ කතන්දරයේ යම් සිදුවීමක් සහ මෙම වචන අවභාවිතය අතර සාදෘෂ්‍යයක් දැකිය නොහැකිද ?

ඉහත විස්තර කළ ආකාරයේ වදන් විකෘතීන් කිහිපයකින් සිදුවන හානිය කුමක්දැයි ඇතැම්විට ඔබ සිතනු ඇත. එහෙත් ඒවා හුදෙක් සරල විකෘතීන් නොවන බව මේ වනවිටත් ඔබට වැටහී තිබිය යුතු ය. සිංහල බෞද්ධ සංස්කෘතිය තුළ ඇති ඉතාමත්ම වැදගත් දැනුම් එම වදන් තුළ ගැබ්ව තිබෙයි. තවද, විකෘතීන් වලට ලක්වන්නේ එම වදන් පමණක් නොවන බවත්, තවත් බොහෝ වදන් විකෘති කෙරෙමින් පවතින බවත් මඳක් සොයා බැලීමෙන් ඔබටම පසක් වනු ඇත. ඒ අයුරින් ඉදිරියෙදී තව තවත් අපගේ වටිනා වදන් විකෘති කර, එම විකෘතීන් පොදු සම්මතය බවට පත්කළහොත්, අනාගතයේදී අපගේ ජනතාවට එම වදන්වල ගැබ්ව ඇති දැනුම උකහාගත නොහැකිවනු ඇත. එමඟින් අපගේ දැනුම ඉදිරියට සන්නිවේදනය වීම ඇණහිටිනු ඇත. එය මෙම ලිපියේ ආරම්භයේදී සඳහන් කළ නිධානය සොයා යන්නාගේ කතාව වැනිය. නිධානය ඇති ස්ථානය පිළිබඳව කියැවෙන ලියැවිල්ල තිබුන ද නිධානය සොසොයාගත නොහැක විය. ඒ අයුරින්ම අනාගතයේදී සිංහල වදන් තිබුන ද ඒ තුළ ගැබ්ව ඇති අපේ දැනුම උකහා ගැනීමට නොහැකිවනු ඇත.

ඉදින් අපි කුමක් කරමුද ?

පළමුව මෙම විකෘතීන් හඳුනාගෙන ඒවා භාවිතා කිරීමෙන් වැළකිය යුතුය. එමෙන්ම හැකි සෑම විටෙකම ඉංග්‍රීසි(හෝ වෙනත් භාෂාවක) වදන් සිංහල භාෂාව තුළට ගැනීමේදී ඒ සඳහා සුදුසු සරල වදන් නිර්මාණය කරගත යුතුය. “hour” සහ “minute” යන වචන සඳහා “හෝරාව” සහ “මිනිත්තුව” නිර්මාණය කෙරී ඇති ආකාරය ඒ සඳහා හොඳම නිදසුන් දෙකකි.

අවශ්‍යනම් “Generation” යන්න සඳහා “ජෙනරේසම” යන වදන යොදාගත හැකිය. අද භාවිතාවන ජනප්‍රිය වචනයක් අනුව “ජෙනරේසම” යනු ගතියක් නැති වචනයක් යැයි යමෙකු පැවසීමට ඉඩ තිබේ. එසේනම් ගතියක් ඇති වචනයක් නිර්මාණය කිරීම සඳහා භාෂාව පිළිබඳ විද්වතුන්(එවැන්නවුන් සිටීනම්) ඉදිරිපත් විය යුතුය.

“science” යන්න සඳහා “විද්‍යාව” යන්න යොදාගැනීම අතිශයින්ම අවැඩදායී භාවිතාවකි. එමෙන්ම, එය ධර්ම විකෘතියක් ද වෙයි. එය “සයන්ස්” ලෙසම හෝ නලින් ද සිල්වා ඇදුරුතුමන් අනුව යමින් “බටහිර විද්‍යාව” යන්න භාවිතා කළ හැකිය.

කෙසේ වෙතත්, කෙතරම් හොඳ වදන් නිර්මාණය කළ ද ඒවා භාවිතයට නොගන්නේනම් පලක් නැත. එය හරියට “හෝරාව” සහ “මිනිත්තුව” යන වදන් නිර්මාණය කෙරී තිබියදී “hour” සහ “minute” සඳහා “පැය” සහ “විනාඩිය” යන වදන් භාවිතා කිරීම හා සමානවනු ඇත. අවසානයේ එය ගඟට ඉණි කැපීමක් වනු ඇත.

තෙෂාන් ප්‍රියදර්ශන