🌟මේ අද දිනට වසර 108 පෙර මාතර කපුදූව සුන්දර ගම් පියසේ කේ. පී. එළියස් හා බී. හින්නිහාමි මව්පියන්ට දාව 1913 ජුනි මස 28 දින මහා ලාභී වූ සීවලී මහරහතුන්වහන්සේට සමකලහැකි යෝග පල අතින් අනූන මහේශාක්ය යෝගය උදාව පැවති සමයක බඹ මොහොතකට සමීප බ්රහ්ම මන්ඩලයේ කිරණ විහිදෙන සුබ නැකතක තුසිත දෙවු ලොවින් බැස මේ මනුලොව උපත ලද පින්වත් පුත් රුවනකි.
කල් යත්ම පෙර සසර කළ මහ පින් ඇතිව සිටි ඒ බෝසත් කුමරා පෙර පැතුම් බලයෙන් හා නොයෙක් ආත්ම වල මුලු රටේත් පලාත් වලත් රජ කිරුළ දරමින් ඉදිකල වෙහෙර විහාර,වැවු අමුණු,ලිවුව පත පොත ආදී පින් දහම් වල බලයෙන් පුරාකෘත බුදු සසුන් වලත් සම්මාසම්බුදුරජානන් වහන්සේලාගෙන් විවරණ ලබමින් බුදු සසුන වෙනුවෙන් කළ පැතුම් ඇති නිසාවෙන් හෙතෙම දොළොස් වස් ළමා වියෙහිදීම 1925 මාර්තු 12 දින එකල කඹුරුපිටිය හොරපාවිට ශ්රී විජයසුන්දරාරාමාධිපති ගැටමාන්නේ පඤ්ඤාජෝති ස්වාමීන් වහන්සේගේ අනුශාසකත්වයෙන් පැවිදි දිවියට පත්ව කපුදූවේ සිරිගුණාලංකාර නමින් සසුනට එක් විණ.
මනුලොවට පෙර පැතුමකට පැමිණ දියසේන නොව “දියසෙන්” ලෙස අප්රකටව නමුදු සිරිගුනාලංකාර ලෙස සුපතල පැවිදි ජිවිතයක් ගතකල අධ්යාත්මික ගුණ වගාවෙන්,ශීලයේ බලයෙන් හෙබි චින්තන ශක්තියෙන් “සිතේ” බලයෙන් දියසෙන් බලය විසුරුවා හැර මහා පිරිසක් මිසදුටු කමින් මුදවා සමිඳුටු කමට මාර්ගෝපදේශකත්වය දී රට, ජාතිය, ආගම සුරක්ෂිත කිරීමේ අති සූක්ෂම මිසදුටු බල නිවාරන ක්රමවේදයක් නිර්මාණයට 1959 සැප්තැම්බර් 20 වන දින සිට උන්වහන්සේ අනුබල දුන් සේක.🙏
රටේ ලක්ෂ සංඛ්යාත ජනතාවකට ධර්මය කියන්නේ මෙයයි, විනය කියන්නේ මෙයයි මිසදුටු බව කියන්නේ මෙයයි මාරපාක්ෂික බලය මෙයයි කියා උතුම් සම්බුදු දහමම ගෞරව සත්කාර කරගෙන කියා දෙමින් ඒ අනුව ජීවිත හුරුකරවා ඔවුන්ගේ අධ්යාත්මික ශක්තිය දියුණු කර පවුලේ යහපත උදාකර දුන් සේක..🙏
උන්වහන්සේ ආරම්භ කල ප්රදීපාලෝකය තුලින් මිථ්යා දෘෂ්ටිය බිඳහෙළ සම්යටික් දෘෂ්ටිය කරා ශ්රී ලාංකික බෞද්ධයා ගෙන යාමට සමත් වූහ.තුන්සරණ පංචශිල ප්රතිපත්ති බලය රට තුල පැතිරීමෙන් බෞද්ධ බලය ගොඩ නැගීම තුලින් නිතිපතා, බොදු දහමින්, පංචශීල ප්රතිපත්තියත් අනුගමනය කිරීමෙන් මනසේ ගොඩනැගෙන නිවැරදි අධ්යාත්මික ශක්තිය තුළ ඕනෑම අභියෝගයකට මුහුණ දීමට හැකි බව විශ්වාස කළ සිරිගුණාලංකාර නාහිමියන් ඒ අනුව යමින් ධාර්මිකව දෛනික කටයුතු සිදුකිරීමෙන් පවුල තුළත් සමාජයේත් එමගින් රටටත් යහපත උදාකරගත හැකි බව පසක් කරමින් පංචශීල ප්රතිපත්ති ක්රමය දිවයින පුරා ව්යාප්ත කිරීමට දැඩිවෙහෙසක් ගත්හ. මේ වන විට දිවයින පුරා මෙලෙස සැබවින්ම පන්සිල් රකින ලක්ෂ සංඛ්යාත පිරිසක් සිරිගුනාලංකාර මිණිපහන් ආලෝකයෙන් එළිපෙහෙළි කල පිළිවෙත අනුව යමින් සිය ජීවිත ආලෝකවත් කර ගෙන දෙලොව දියුණුව ලැබ සිටිති.
☸️☸️☸️☸️☸️☸️☸️☸️☸️☸️☸️☸️☸️☸️☸️☸️☸️
උන්වහන්සේ එකල ප්රකාශ කල හැටියට පෙර ඈත සසර කල පැතුමක් අනුව
🌟ද්වීප ඉන්ද්ර ,
🌟දිව්යනාග,
🌟හතරවන රාවණ,
🌟විජය කුමරු,
🌟පන්ඬුකාභය,
🌟කාවන්තිස්ස,
🌟වලගම් අබා වට්ඨ ගාමිණී නොහොත් වළගම්බා,
🌟දෙවෙනි දෙටුතිස්,
🌟දෙවෙනි අග්රබෝධි,
🌟දෙවෙනි පැරකුම්බා ,
🌟හතරවැනි පැරකුම්බා ,
🌟හයවෙනි පැරකුම්බා ,
🌟කීර්ති ශ්රී මේග වර්ණ,
🌟සිරිසඟබෝ,
🌟ධාතුසේන,
🌟කීර්ති කුමාර නොහොත් බෝසත් විජයබාහු,
🌟වෛද්ය බුද්ධදාස වැනි ආත්ම වලත් තවද නොයෙක් වර පැවිදි දිවියක් ගතකල ආත්ම ලබමින් මේ ලංකා ද්වීපයටත් උතුම් වූ ගෞතම බුද්ධ ශාසනයට අමිල සේවයක් කල පෙර සසරේ කල මහා පුන්යකර්මයන්ගේ බලය හා පැතුම් ඇති අනාගතයේ පහලවන මෛත්රී බුදුරදුන්ට පිය පදවියට පාරමිතා සම්පූර්ණ කල බෝධිසත්වයන් වහන්සේ නමකි.
අදට බුද්ධාංතර බොහෝ කලකට එපිට රජවරු දොලොස් දෙනෙකුගෙන් හෙබි පෙර මෙසිරිලක රජකම් කල රාවන රාජ වංශයේ පහලවුන පලවන රාවනයන්ව සිට පෙරුම්දම් සම්පූර්ණ කර මේ මහාබද්රකල්පයේ මතු අනාගතයෙහි මෛත්රිය නම් සර්වඥතා ඥානය ලබන්නාවූ දිව්යරාජයානන් වහන්සේ නමක් තුසිත දෙවුලොව වැඩවසන්නේය ඒ දිව්යරාජයානන්ගේ දෙටු සොහොයුරු කණිටු සොයුරු වශයෙන්ද පෙර එම රාවණ රාජවංශයේ හතරවන රාවණව ඉපිද සිටි ද්විපඉන්ඳ්ර තෙමේ එනම් අප(සිරිගුනාලංකාර යතීන්ඳ්රයන් වහන්සේ )ආත්මභාව තුන් සියයක් පමණ උපතලැබීය.
පැරණි දෑ විචාරණය කරන්නන් ඒවා අනුමත කරන්නන් හා විවේචනය කරන්නෝ කුමක් කීවද “යමක සාලානං අන්තරස්මිං තතාගතස්ස නිබ්බාතුං සයිත ථිරමති විජය නාමකෝ කුමාරෝ ලංකායං තම්බපණ්ණිදීපෙ ඔතිණ්ණො “
“මා සසුන මෙහි සුරැකෙන්නේ ය”
යැයි ලෝකශිවංකර දසබලධාරී සර්වඥරාජෝත්තම ශ්රීමත් සුගත තථාගත සිද්ධාර්ථ ගෞතම සම්බුද්ධ වීර භාග්යවතුන් වහන්සේ පිරිනිවන් මංචකයේ පැතපී හොවා සිට අධිශ්ඨාන කරන ලද එදින මේ සිරිලක සම්බුදු සසුන සවිමත් කරනු වස්,මෙසිරිලක පෙර සිට පැවති රාවන රාජවංශය අභාවයට යාමෙන් තැනින් තැන අවශේෂව කුටි ගෙවල් තනාගෙන රජුන් නොමැතිව අරාජිකව උන් උන් විරසකව කල් ගෙවූ ජනයා විසූ ලක් මව රජුන් සහිතව විජය ලද්දියක් කිරීමට පෙර සසර කල පෙරුම් දම් පිරි ඒ මහා යුග පුරුෂයෝ එදා ජන්බුද්දීපයෙන් නැවු නැගී තම්බපණ්ණි ද්වීපයට ගොඩ බට විජය කුමරුගේ සිට පන්ඬුකාභය,කාවන්තිස්ස ,
වලගම්බා,පැරකුම්බා වැනි ආත්ම වාර විසිගනනක් මේ මුලු සිරිලකටත් වරින්වර ප්රදේශ වලටත් අධිපතිව රාජ කිරුළු පැලැඳ අවසන් වරට රට ජාතිය ආගම වෙනුවෙන් අතට ගත් අසිපත බිම තබා දෙවුලොව මහේශාක්ය බෞද්ධ දිව්යදේවථාවන්ගේ ආරාධනා ලැබ යතීන්ඳ්ර වෙස් ගෙන කපුදුවේ සිරිගුනාලංකාර නමින් යලි ලක් පොලොවේ පා තබා වැදගත් සාසනික සිදුවීම් රැසකට පසුබිම නිර්මාණය කල ඒ ජෝතිමත් මිණි පහන 1986 ජුනි 28 අද වැනි දිනක 73න් වසරක් ආයු වළඳා දිවංගත සයනයේදී සියලු කථා සලලප නිමවා “මම යම්හ නැවත එම්හ යි තෙපලා” නිවී නික්මී පෙර සිටි තුසිත භවනටම වැඩි සේක.🙏
අනාගතයේ පහලවන මරුගේ යෝග සහිත අදුරු යුගයේ සියළු බාධක ජයගෙත හැකි පන්සිල් රකින දැහැමි පිරිසක් බිහිකිරීම උන්වහන්සේගේ පරම පැතුම විය.පංච ශීල ප්රතිපදාවත් සමගම අභීතව බුදු වත් පිළිවෙත් කරනු විනා ඉන් ඔබ්බට නොගොස් නොයැද හා කන්නලව් නොකර සදෙවුලොව මහේශාක්ය දිව්ය දේව පෙළට පමණක්ම පින් අනුමෝදන් කරන්නට දායක කාරකාදීන් පෙළඹවූ උන්වහන්සේ කෙටි කාල සීමාවක් තුල කර්ම විපාක ආබාධ හැර සුවපත් නොකල හැකි යැයි වෛද්යවරුන් ඉවතලූ ලෙඩුන් බුදු පිළිවෙතින් සුවපත් කළේය, බොහෝ නිවාස හා පුද්ගලයන්ට තිබූ අමනුෂ්ය දොාස් දුරුකලේය.රට ජාතිය ආගම වනසන මිසදුටු වසවත් මාර පාක්ෂික බලයට එරෙහිව දේව,බ්රහ්ම ,නාග,මහිද්ධික සමිදිටු සේනාව සමග සිය දිවියම කැප කරමින දියසෙන් සටනට වීර උදානයට ආර්යය සක්සේනා සුර සංග්රාමයකට මාර්ගය පාදා දුන් සේක.🙏
ගරු ස්වාමින් වහන්සේගේ ප්රදිපාලෝක ක්රමයෙන් දෙවු,මිනිසුන් ,බඹුන් සහිත වූ ලෝක ධාතුවට සිදුවූයේ මහඟු සේවයකි. මිසදුටු මාරපාක්ෂික බලවේගයන්ගෙන් පිඩා විඳි ඇත්තවුන් උන්වහන්සේ සොයාගෙන අවුත් පිහිට පිළිසරණ ලබා ගත්තෝය පංචශීලයේ පිහිටා තිසරණ සරණ එකම පිහිට බැවු පසක් කොට ගත්තෝය.අදටත් අපද ඒ ප්රතිපත්ති ක්රමයෙන් දොලොව දියුණුව කෙරවල සසර ගමන නිමාවට වැඩ සලසා ගන්නෙමු.
✨මේ ලංකා ද්වීපයටත් උතුම් වූ ගෞතම බුද්ධ ශාසනයට අමිල සේවයක් කිරීමට පෙර සසරේ කල මහා පුන්යකර්මයන්ගේ බලය හා පැතුම් ඇතිව බුදු සසුනේ ඉදිරි චිරස්ථිතියට වැඩ පිණිස දෙවු ලොවින් බැස මනුලොව පහල වූ
බුද්ධාංකූර වූ සීලාදි ගුණයන්ට ආකරයක් වෙමින් ලෝකසාසනික සේවයක් කරමින් බෝධිසත්ව පාරමි පූර්ණය කරමින් වැඩ සිටි මහෝත්තමයන් වහන්ස.. ඔබවහන්සේ මේ ගෞතම බුදුසසුනත් තව වසර දෙදහස් පන්සීයයක් සුරක්ෂා කිරීමට හිතෛෂීව අනාගත මෛත්රී බුද්ධ රාජ්යත් ඒකාලෝක කර මතු පහලවන බුද්ධෝත්පාදයක තුන්ලොවට පිහිටවන්නට අති උතුම් ලොව්තුරා සම්මා සම්බුදු බවම ලබත්වා..!!!🙏
අද දිනට යෙදෙන උන්වහන්සේගේ 35 වන ගුනසමරුවට දෙස් විදෙස් සියලුතැන්වල සිදුකෙරෙන පිංකම් පුන්යාණුමෝදනා උන්වහන්සේ පතන්නාවූ ආකාරයට පස්වාන්දහසකට ගෞතම බුදුසසුන මෙසිරිලක සුරැකීමටත් අනාගත බුද්ධ රාජ්යකදී මතු ලොවුතුරා බුදුබවට හේතුවාසනා වේවා……!!
මිසදුටු බලය පරදවා තිසරන පංචශීල බලයෙන් ත්රිවිධරත්නයේ පහන ඒකාලෝක කල ඒ උතුම් බුද්ධ පුත්රයාණන්ට මාගේ නමස්කාර වේවා….!
ලෝකශිවංකර දසබලධාරී සර්වඥරාජෝත්තම ශ්රීමත් සුගත තථාගත සිද්ධාර්ථ ගෞතම සම්බුද්ධ භාග්යවතුන් වහන්සේගේ අති උත්තම ශ්රී සත්ධර්මය පරිනිර්වාණ මංචකයේ පටන් මෙසිරිලක ස්ථාපිත කිරීමට විජයාවතරණයේ සිට අප්රමාණ දුක් කම්කටොලු විදිමින් පර සතුරන් මෙල්ලකරමින් දිවි පරදුවට තබමින් නැවත නැවත සම්බුදු සසුන වෙනුවෙන් ඉපිද අප නිවා සනසමින් මෙකල ගෞතම සම්බුදු ශාසනය සුරක්ෂිතව ශෝභමාන කලාවූ ද ඒ පාරිශුද්ධ ආර්ය මාර්ග ප්රතිපදා ඤාණ දර්ශන විශුද්ධි ආලෝකයෙන් අප චිත්ත සන්තාන හේතු ඵල පාරමී මාවත මහේශාක්ය කලා වූද ඒ වීරෝදාර අප ගුරැදේවෝත්තම යුග පුරැෂයන් වහන්සේගේ පායුග වැද නමස්කාර කරමි..ඒ ශ්රී පා කමල් අභියස උන්වහන්සේගේ ඒ පෙර පැතුම් ඉටු කරදීමට සහය පිණිසම පෙර උරුමයට,පෙර පැතුමට මාගේ ජීවිතය පූජා වේවා…!!! 🙏🙏🙏
මේ නාම රෑපී හේතුඵලය මෙතේ බුදුන්ගේ බුද්ධ රාජ්යයේදී නැවත ලෝකය සමග එක් නොවන අවස්ථාව දක්වාම අසහාය අනුත්තර විජය සංග්රාම විජය ධම්සක උදෙසාම පූජාවේවා…
එය නිර්වාණය තෙක් ඇත්තාවූ එකම පරම සත්ය පාරමිතාව වේවා…!!!🙏🙏🙏
මේ සටහන තැබීමෙන් මා තුල ජනිත වූ කුසලානිසංස බලයෙනුත් අප සියළු දෙනා අනන්ත සසර පටන් ජනිත කරගන්නා ලද කුසලානිසංස බලයෙනුත් අපගේ ගුරුදේව උත්තමයන් වහන්සේ වන සිරිගුනාලංකාර මහනාහිමිපාණන් වහන්සේට අප වැනි අසරණ සත්වයින්ට අමාපැන් පොවමින් නිවන් පුර රුවන් දොරටු වීවෘත කරදීමට හැකිවන ලොව්තුරා බුද්ධ රාජ්ජයම අවබෝධ කර ගැනීමට සියළු කුසල් හේතු වාසනා වේවායි මෛත්රී සිතින් ආශිංසනය කරමු…
සාධූ සාධූ සාධූ….!!!🙏🙏🙏
චිරාත් කාලයක් මේ ලෝතලය මත සිරිගුනාලංකාර දියසෙන් ප්රදීපාලෝක පිලිවෙත ඒකාලෝක වේවා…!!
රට ජාතිය පිණිසයි.
ජාතිය ආගම පිණිසයි.
ආගම ප්රතිපත්තිය පිණිසයි.
ප්රතිපත්තිය රට පිණිසයි.
සංස්කාරක :
⚜️ දියසෙන් කාහළ නාදය ⚜️
එළිය 